വൈക്കം കായലിൽ മുറിഞ്ഞപുഴ പാലത്തിനു സമീപം ഒരു മാസം പ്രായമുള്ള പെൺകുഞ്ഞിന്റെ മൃതദേഹം കണ്ടെത്തി... ശരീരത്തിൽ വസ്ത്രങ്ങൾ ഇല്ല..കൊലപാതകമാണെന്ന് പോലീസിന്റെ പ്രാഥമിക നിഗമനം
വൈക്കം കായലിൽ മുറിഞ്ഞപുഴ പാലത്തിനു സമീപം ഒരു മാസം പ്രായമുള്ള പെൺകുഞ്ഞിന്റെ മൃതദേഹം കണ്ടെത്തി. ശരീരത്തിൽ വസ്ത്രങ്ങൾ ഇല്ല
മൃത ദേഹത്തിന് നാല് ദിവസം പഴക്കമുണ്ട് .. ചെമ്പ് ഭാഗത്ത് കായലിലൂടെ ഒഴുകിയെത്തിയ മൃതദേഹം ചീഞ്ഞളിഞ്ഞ നിലയിലായിരുന്നു. ഇൻക്വസ്റ്റ് അടക്കമുള്ള പ്രാഥമിക പരിശോധനകൾ പൂർത്തിയാക്കിയ ശേഷം മൃതദേഹം വൈക്കം താലൂക്ക് ആശുപത്രി മോർച്ചറിയിലേയ്ക്കു മാറ്റി. ചൊവ്വാഴ്ച കോട്ടയം മെഡിക്കൽ കോളേജ് ആശുപത്രിയിൽ മൃതദേഹം പോസ്റ്റ്മോർട്ടം ചെയ്യും
ഇന്നു രാവിലെ എട്ടരയോടെ വൈക്കം ചെമ്പിൽ വേമ്പനാട്ട് കായലിലേക്ക് മൃതദേഹം ഒഴുകിയെത്തിയത് കണ്ട നാട്ടുകാർ വിവരം വൈക്കം പോലീസിൽ അറിയിക്കുകയായിരുന്നു. സ്ഥലത്ത് എത്തിയ പോലീസ് നടത്തിയ പരിശോധനയിലാണ് പെൺകുഞ്ഞിന്റെ മൃതദേഹമാണ് ഒഴുകിയെത്തുന്നത് എന്നു കണ്ടെത്തിയത്.
തുടർന്ന്, മൃതദേഹം കരയ്ക്ക് അടുപ്പിച്ചു. പോലീസിന്റെ ഇൻക്വസ്റ്റ് പരിശോധനയിലാണ് മൃതദേഹത്തിന് നാല് ദിവസം പഴക്കമുണ്ടെന്നും, ചീഞ്ഞളിഞ്ഞ നിലയിലാണ് എന്നും കണ്ടെത്തിയത്. മൃതദേഹം ഇൻക്വസ്റ്റ് പൂർത്തിയാക്കി വൈക്കം താലൂക്ക് ആശുപത്രിയിലേയ്ക്കു മാറ്റി.
കൊലപാതകമാണെന്നാണ് പോലീസിന്റെ പ്രാഥമിക നിഗമനം. ഇത് കണ്ടെത്തുന്നതിനായി വൈക്കം സിഐയുടെ നേതൃത്വത്തിൽ പ്രത്യേക അന്വേഷണ സംഘത്തെയും രൂപീകരിച്ചിട്ടുണ്ട്.
കഴിഞ്ഞ ഒരു മാസത്തിനിടെ കോട്ടയം, എറണാകുളം, ആലപ്പുഴ ജില്ലകളിലെ ആശുപത്രികളിൽ നടന്ന പ്രസവങ്ങൾ കേന്ദ്രീകരിച്ചാണ് പോലീസ് അന്വേഷണം നടത്തുന്നത്. ഇതിനായി ഇത്തരം ആശുപത്രികളിൽ പ്രസവിച്ചവരുടെ പട്ടിക പോലീസ് ശേഖരിച്ചിട്ടുണ്ട്. കോട്ടയം എറണാകുളം ആലപ്പുഴ ജില്ലകളിലെ അതിർത്തി പ്രദേശത്തെ ആശുപത്രികൾ കേന്ദ്രീകരിച്ചാണ് അന്വേഷണം നടത്തുന്നത്
https://www.facebook.com/Malayalivartha