കൊവിഡ് കേസുകൾ കൂടുന്നു... തിരുവനന്തപുരത്ത് ആശങ്ക ..കർശന നിയന്ത്രണം
കൂടുതൽ കൊവിഡ് കേസുകൾ സ്ഥിരീകരിക്കുന്ന തിരുവനന്തപുരത്ത് ആശങ്ക തുടരുകയാണ്. ഇന്നും തിരുവനന്തപുരം ജില്ലയിലാണ് കൂടുതൽ രോഗികൾ– 205 പേർ...സമ്പർക്കത്തിലൂടെയാണ് കൂടുതൽ കൊവിഡ് കേസുകളും ജില്ലയിൽ റിപ്പോർട്ട് ചെയ്യുന്നത്.
ഉറവിടമറിയാത്ത രോഗികളിടെ എണ്ണവും ജില്ലയിൽ കൂടുതലാണ്. തീരദേശ പ്രദേശങ്ങൾ കൊവിഡ് ഭീഷണിയിൽ തുടരുകയാണ്. കണ്ടെയ്ൻമെൻ്റ് സോണുകളുടെ എണ്ണത്തിലും മാറ്റം സംഭവിക്കുന്നുണ്ട്.
ജില്ലയിൽ പോലീസ് ഉദ്യോഗസ്ഥർക്ക് കൊവിഡ് ബാധയുണ്ടാകുന്നത് തുടരുകയാണ്. പോലീസ് ആസ്ഥാനത്ത് രോഗം സ്ഥിരീകരിച്ചവരുടെ എണ്ണം നാലായി. നൂറോളം പോലീസുകാര്ക്കാണ് ഇതുവരെ രോഗം സ്ഥിരീകരിച്ചത്. ക്വാറനൈനിൽ കഴിയുന്നവരുടെ എണ്ണം അഞ്ഞൂറിലേറെയാണ്.
സമ്പർക്കവ്യാപനം വഴിയുള്ള രോഗബാധ കൂടിവരുന്ന പശ്ചാത്തലത്തിൽ കണ്ടെയ്ൻമെന്റ് സോൺ കണ്ടെത്തി മാർക് ചെയ്യാൻ പോലീസിനെ ചുമതലപ്പെടുത്തുമെന്ന് മുഖ്യമന്ത്രി പറഞ്ഞു. ക്വാറന്റീൻ ലംഘിച്ച് പുറത്തിറങ്ങുന്നതും നിയന്ത്രണ രേഖ മറികടക്കുക, സാമൂഹിക അകലം പാലിക്കാതിരിക്കുക എന്നിവയിൽ കർശന നടപടി സ്വീകരിക്കും.
അതേസമയം 253 പേരുടെ പരിശോധന ഫലം നെഗറ്റിവ് ആയെന്ന ആശ്വാസവും ഉണ്ട്.
https://www.facebook.com/Malayalivartha