കൊച്ചി മെട്രോ സര്വ്വീസ് ഇന്ന് പുനരാരംഭിക്കും... ഇന്ന് ഉച്ചയ്ക്ക് 12.30-ന് മുഖ്യമന്ത്രി പിണറായി വിജയന് പുതിയ പാത കേരളത്തിന് തുറന്നുനല്കും, കോവിഡ് ഭീതിയില് ചടങ്ങുകളെല്ലാം വീഡിയോ കോണ്ഫറന്സിലൂടെയാണ്, കേന്ദ്രമന്ത്രി ഹര്ദീപ് സിങ് പുരി ഓണ്ലൈനിലൂടെ ചടങ്ങില് അധ്യക്ഷനായെത്തും
കൊച്ചി മെട്രോ സര്വ്വീസ് ഇന്ന് പുനരാരംഭിക്കും. ആകാശം സാക്ഷിയാക്കിയുള്ള കുതിപ്പ് ഇക്കുറി ചെന്നവസാനിക്കുക പേട്ടയില്. ആലുവയില് തുടങ്ങി പേട്ടയില് അവസാനിക്കുന്ന ഒന്നാം ഘട്ടമെന്ന വലിയ സ്വപ്നത്തിന്റെ സാക്ഷാത്കാരം. ഇന്ന് ഉച്ചയ്ക്ക് 12.30-ന് മുഖ്യമന്ത്രി പിണറായി വിജയന് പുതിയ പാത കേരളത്തിന് തുറന്നുനല്കും.
കോവിഡ് ഭീതിയില് ചടങ്ങുകളെല്ലാം വീഡിയോ കോണ്ഫറന്സിലൂടെയാണ്. കേന്ദ്രമന്ത്രി ഹര്ദീപ് സിങ് പുരി ഓണ്ലൈനിലൂടെ ചടങ്ങില് അധ്യക്ഷനായെത്തും. കോവിഡ് മാനദണ്ഡങ്ങളെല്ലാം പാലിച്ചാണ് യാത്ര പുനരാരംഭിക്കുന്നത്. ആലുവയില്നിന്നുള്ള യാത്ര 25.16 കിലോമീറ്ററുകള്ക്കിപ്പുറത്ത് പേട്ടയില് വന്നുചേരുന്നു. പേട്ടയ്ക്കപ്പുറത്തേക്ക് എസ്.എന്. ജങ്ഷന് മുതല് തൃപ്പൂണിത്തുറ വരെയുള്ള റൂട്ടിന്റെ നിര്മാണ ഉദ്ഘാടനവും തിങ്കളാഴ്ചയുണ്ടാകും. ഇത് പൂര്ത്തിയാകുന്നതോടെ ഒന്നാം ഘട്ടത്തിന് അനുബന്ധമായുള്ള മെട്രോ വികസനം പൂര്ത്തിയാകും.
കെ.ഇ.സി. ഇന്റര്നാഷണലും വിജയ് നിര്മാണ് കമ്പനിയും ചേര്ന്ന കണ്സോര്ഷ്യത്തിനാണ് ഇവിടെ നിര്മാണക്കരാര്. ഒരു സ്റ്റേഷന് മാത്രം വരുന്നതാണ് ഈ പാത. ഇ. ശ്രീധരന്റെ തണലിലായിരുന്നു മെട്രോ ഇതുവരെ. മുന്നോട്ടുള്ള യാത്രയില് നിര്മാണ മേല്നോട്ടത്തിനുള്ളത് ഡല്ഹി മെട്രോ റെയില് കോര്പ്പറേഷനല്ല, കേരളത്തിന്റെ സ്വന്തം കൊച്ചി മെട്രോ റെയില് ലിമിറ്റഡാണ്.
"
https://www.facebook.com/Malayalivartha