വധശ്രമക്കേസില് ശിക്ഷയനുഭവിച്ച ക്രിമിനലായ നൗഫലിനെ പീഡനക്കേസില് പിടികൂടിയത് ആംബുലന്സ് ഓട്ടംപോകാനെന്ന പേരില് വിളിച്ചുവരുത്തി
കോവിഡ് ചികിത്സാകേന്ദ്രത്തിലേക്കു യുവതിയെ കൊണ്ടുപോകും വഴി ആംബുലന്സില് വച്ച് അര്ധരാത്രിയില് മാനഭംഗത്തിനിരയാക്കിയ ആംബുലന്സ് ഡ്രൈവര് കായംകുളം കീരിക്കാട് സൗത്ത് പനയ്ക്കച്ചിറയില് നൗഫലിനെ അറസ്റ്റ് ചെയ്തത് ഓട്ടം പോകാനെന്ന് വ്യാജേന വിളിച്ചു വരുത്തി. ഇയാള് നേരത്തേ വധശ്രമക്കേസില് ശിക്ഷയനുഭവിച്ച ക്രിമിനലെന്നു പോലീസ്. ശനിയാഴ്ച അര്ധരാത്രിയോടെ ആറന്മുള-കിടങ്ങന്നൂര് റോഡില് നാല്ക്കാലിക്കല് ആയുര്വേദാശുപത്രിക്ക് എതിര്വശത്തുള്ള കടയുടെ പിന്നില് ആംബുലന്സ് നിര്ത്തിയിട്ടതിനു ശേഷമായിരുന്നു പീഡിപ്പിച്ചത്. സംഭവം പുറത്തുപറയരുതെന്നു നൗഫല് വാഹനത്തില് വച്ച് ഭീഷണിപ്പെടുത്തിയതിന്റെ ശബ്ദരേഖ യുവതി പോലീസിനു കൈമാറി. പന്തളം സ്വദേശിനിയായ 19 വയസുകാരിയുടെ പിതാവ് ജീവിച്ചിരിപ്പില്ല.
മാതാവും രണ്ടു സഹോദരിമാരും കോവിഡ് ബാധിച്ച് ചികിത്സയിലാണ്. അടൂര് വടക്കടത്തുകാവിലുള്ള ബന്ധുവീട്ടിലാക്കിയിരുന്ന യുവതിക്കും ശനിയാഴ്ച വൈകുന്നേരത്തോടെ കോവിഡ് സ്ഥിരീകരിച്ചു. 108 ആംബുലന്സില് ആദ്യം അടൂര് ജനറലാശുപത്രിയിലെത്തിച്ചു. പന്തളത്തെ കോവിഡ് ഫസ്റ്റ്ലൈന് ട്രീറ്റ്മെന്റ് സെന്ററിലേക്കു കൊണ്ടുപോകാനായിരുന്നു ആരോഗ്യപ്രവര്ത്തകരുടെ നിര്ദേശം. കൊണ്ടുവന്ന ആംബുലന്സില് ഇന്ധനം കുറവായതിനാല് ഡ്രൈവര് യുവതിയെ നൗഫലിന്റെ ആംബുലന്സില് കയറ്റിവിടുകയായിരുന്നു.
കോഴഞ്ചേരി ജില്ലാ ആശുപത്രിയിലെത്തിക്കേണ്ട 41 വയസുകാരിയായ കോവിഡ് ബാധിതയും അതിലുണ്ടായിരുന്നു. അടൂരിന് അടുത്തുള്ള പന്തളത്തേക്ക് ആദ്യം പോകുകയായിരുന്നു എളുപ്പമെങ്കിലും നൗഫല് ആംബുലന്സ് വളഞ്ഞവഴിയില് കോഴഞ്ചേരിയിലേക്കു വിട്ടു. 41 വയസുകാരിയെ അവിടെ ഇറക്കിയതിനു ശേഷം യുവതിയുമായി പന്തളത്തേക്കു പോകുന്ന വഴിയില്വച്ചാണു പീഡിപ്പിച്ചത്. തുടര്ന്ന് യുവതിയെ പന്തളത്തെ ആശുപത്രിക്കു മുന്നില് ഉപേക്ഷിച്ച് ഇയാള് കടന്നുകളഞ്ഞു. യുവതിയുടെ വേഷത്തിലും പെരുമാറ്റത്തിലും അസ്വാഭാവികത തോന്നിയ ആരോഗ്യപ്രവര്ത്തകര് അന്വേഷിച്ചപ്പോഴാണു പീഡനവിവരം വെളിപ്പെടുത്തിയത്. ആരോഗ്യ വകുപ്പ് ഇടപെട്ട് പോലീസില് പരാതി നല്കി. അടൂര് എസ്.ഐ.
ശ്രീജിത്തിന്റെ നേതൃത്വത്തില് പോലീസുദ്യോഗസ്ഥര് ആംബുലന്സ് ഓട്ടംപോകാനെന്ന പേരില് വിളിച്ചുവരുത്തിയാണ് നൗഫലിനെ കസ്റ്റഡിയിലെടുത്തത്. കോവിഡ് രോഗിയായതിനാല് യുവതിയുടെ മൊഴി ഫോണിലൂടെ സംസാരിച്ച് രേഖപ്പെടുത്തി. പീഡനം നടന്നതായി പത്തനംതിട്ട ജനറല് ആശുപത്രിയിലെ കോവിഡ് ചികിത്സാകേന്ദ്രത്തില് നടത്തിയ വൈദ്യപരിശോധനയില് വ്യക്തമായി.
" f
https://www.facebook.com/Malayalivartha