സംസ്ഥാന സർക്കാരിന്റെ അധികാരത്തിന്റെ അവസാനമാസങ്ങളിലൂടെയാണ് ഇപ്പോൾ കടന്നു പോയി കൊണ്ടിരിക്കുന്നത്..എന്നാൽ ഈ നിർണ്ണായക വേളയിൽ കേന്ദ്ര ഏജൻസികളുടെ അന്വേഷണത്തിന്റെ പത്മവ്യൂഹത്തിലാകുകയാണ് സംസ്ഥാനസർക്കാർ ഇപ്പോൾ ആയിരിക്കുന്നത്.. സ്വർണക്കടത്ത് കേസിൽ എൻ.ഐ.എ., കസ്റ്റംസ്, എൻഫോഴ്‌സ്‌മെന്റ് ഡയറക്ടറേറ്റ് എന്നിവയുടെ അന്വേഷണം നടക്കുന്നതിനിടെയാണ് നാലാമതായി ലൈഫ് മിഷൻ ഇടപാടിനെക്കുറിച്ചുള്ള സി.ബി.ഐ. അന്വേഷണം നടത്തുകയാണ്... മതഗ്രന്ഥവിതരണത്തിന്റെ മറവിൽ നിയമവിരുദ്ധ നടപടി നടന്നോയെന്ന അന്വേഷണം സമാന്തരമായി ഈ ഏജൻസികൾതന്നെ നടത്തി വരുന്നുമുണ്ട്.

രാഷ്ട്രീയമായി എതിർചേരിയിൽ നിൽക്കുന്ന കേന്ദ്രസർക്കാരിന്റെ കീഴിലുള്ള വിവിധ കേന്ദ്രഏജൻസികൾ ഒരുമിച്ച് ഒരു സംസ്ഥാന സർക്കാരിനെ ഇതുപോലെ പ്രതിരോധത്തിലാക്കുന്നത് ആദ്യത്തെ സംഭവമാണ്. സംശയനിഴലിലായി അന്വേഷണ ഏജൻസികൾക്കുമുമ്പിൽ ചോദ്യംചെയ്യലിന് വിധേയമായിനിൽക്കുന്നത് ഒരു മന്ത്രിയും മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറിയടക്കമുള്ള പ്രമുഖ ഉദ്യോഗസ്ഥരുമാണെന്നത് സർക്കാരിനെ മുൾമുനയിലാക്കുന്ന കാര്യവുമാണ്.

സ്വർണക്കടത്ത് കേസിലടക്കമുള്ള അന്വേഷണം ശരിയായ ദിശയിലാണെന്നായിരുന്നു ഇതുവരെ മുഖ്യമന്ത്രി നൽകിയ പ്രതികരണം. എന്നാൽ, അന്വേഷണം മന്ത്രി കെ.ടി. ജലീലിലെത്തിയതോടെ അന്വേഷണ ഏജൻസികൾക്കെതിരേ സി.പി.എം. ആരോപണമുയർത്തി.

സ്വർണക്കടത്ത് കേസ് പ്രതി സ്വപ്നാ സുരേഷിന്റെ ലോക്കറിൽ കണ്ടെത്തിയ ഒരു കോടിരൂപയുടെ ഉറവിടം ലൈഫ് പദ്ധതിയിലെ കമ്മിഷനാണെന്ന് വെളിപ്പെടുത്തിയതാണ് പുതിയ തട്ടിപ്പിലേക്ക് അന്വേഷണസംഘത്തെ നയിച്ചത്. കമ്മിഷൻ ഒരു കോടിയല്ല, നാലരക്കോടിയാണെന്ന് ധനമന്ത്രികൂടി പങ്കെടുത്ത പാർട്ടിചാനലിലെ ചർച്ചയിൽ മുഖ്യമന്ത്രിയുടെ മാധ്യമഉപദേഷ്ടാവ് വെളിപ്പെടുത്തിയതോടെ വിവാദം കനക്കുകയും ചെയ്തു.

ലൈഫ് ഇടപാട് സി.ബി.ഐ. അന്വേഷിക്കണമെന്ന് മുറവിളി പ്രതിപക്ഷമുയർത്തുകയും ചെയ്തു. വിജിലൻസ് അന്വേഷണം ഉണ്ടാകുമെന്ന് സി.പി.എം. സൂചന നൽകി.എങ്കിലും മുഖ്യമന്ത്രി ആദ്യം പ്രഖ്യാപിച്ചില്ല. കഴിഞ്ഞ ദിവസം അന്വേഷണം വിജിലൻസിന് വിട്ടത് സി.ബി.ഐ. അന്വേഷണം വരുമെന്ന സൂചനയെത്തുടർന്നാണെന്നാണ് പ്രതിപക്ഷo ഉയർത്തുന്ന പ്രധാന വിമർശനം. കോൺസുലേറ്റ് നടപ്പാക്കുന്ന പദ്ധതിയാണെങ്കിലും ലൈഫ് മിഷനും റെഡ് ക്രസന്റും തമ്മിൽ കരാർ ഒപ്പുവച്ചതാണ് സർക്കാരിനെ പ്രതിരോധത്തിലാക്കിയത് . വിദേശസ്ഥാപനവുമായുള്ള സാമ്പത്തികഇടപാടിൽ വേണ്ടനടപടികൾ എത്രത്തോളം പാലിച്ചു എന്നതും അന്വേഷണത്തിൽ നിർണായകമാകുന്ന കാര്യമാണ്.. ഏതായാലും അന്വേഷണ ഏജൻസി എല്ലാരും കൂടി വളഞ്ഞിട്ട് ഒരു സർക്കാറിനെ ഇത്തരത്തിൽ പ്രതിരോധത്തിലാക്കുന്ന സംഭവം ഇന്ത്യൻ ചരിത്രത്തിൽഏതായാലും അന്വേഷണ ഏജൻസി എല്ലാരും കൂടി വളഞ്ഞിട്ട് ഒരു സർക്കാറിനെ ഇത്തരത്തിൽ പ്രതിരോധത്തിലാക്കുന്ന സംഭവം ആദ്യമാണ് എന്ന് പറയാതെ വയ്യ... ഏതായാലും സർക്കാർ ഈ പ്രതിരോധങ്ങൾ എങ്ങനെ അതിജീവിക്കുമെന്നും നോക്കി കാണേണ്ട കാര്യം തന്നെയാണ്.