സംസ്ഥാനത്തെ യൂണിവേഴ്സിറ്റികളിലെ 16 അനധ്യാപക തസ്തികകള് കൂടി പിഎസ്സിക്ക് വിട്ടു
ഉന്നതവിദ്യാഭ്യാസ വകുപ്പ് എക്സിക്യൂട്ടീവ് ഉത്തരവിലൂടെ സംസ്ഥാനത്തെ സര്വകലാശാലകളിലെ 16 അനധ്യാപക തസ്തികകളിലെ നിയമനം കൂടി പിഎസ്സിക്കു വിട്ടു.
ഇതോടെ സ്പെഷല് റൂള് തയാറായില്ലെങ്കില് പോലും ഇവയിലെ രണ്ടായിരത്തിലേറെ ഒഴിവുകളിലേക്ക് പിഎസ്സിക്കു നേരിട്ടു നിയമനം നടത്താം. ലാസ്റ്റ് ഗ്രേഡ്, ഡ്രൈവര്, ലൈബ്രറി അസിസ്റ്റന്റ്, ഇലക്ട്രീഷ്യന്, പമ്പ് ഓപ്പറേറ്റര്, സെക്യൂരിറ്റി ഓഫിസര്, സിസ്റ്റം മാനേജര്, പിആര്ഒ തുടങ്ങിയ തസ്തികകളാണിവ.
അസിസ്റ്റന്റ്, കംപ്യൂട്ടര് അസിസ്റ്റന്റ് തസ്തികകളിലെ നിയമനം 2016-ല് എക്സിക്യൂട്ടീവ് ഉത്തരവിലൂടെ സര്ക്കാര് പിഎസ്സിക്ക് വിട്ട് നിയമനം നടത്തി. സമാന രീതിയിലാണ് 16 തസ്തികകള് കൂടി ഇപ്പോള് പിഎസ്സിക്കു വിട്ടത്.
സര്വകലാശാലകളിലെ അനധ്യാപക നിയമനം പിഎസ്സിക്കു വിടാന് 2010-ല് തീരുമാനിച്ചിരുന്നു. എങ്കിലും നിയമന വ്യവസ്ഥകള് അടങ്ങുന്ന സ്പെഷല് റൂള് തയാറാക്കാത്തത് പിഎസ്സിക്കു തടസ്സമായിരുന്നു.
https://www.facebook.com/Malayalivartha
