ദീപാവലി ആഘോഷം കടുത്തുപോയി.... സജീവനെ കൊലപ്പെടുത്തിയത് സുഹൃത്തായ ബാലകൃഷ്ണനും ഭാര്യ ശാന്തിയും ചേർന്ന്.. നന്നായി മദ്യപിച്ച ഇരുവരും ഇടക്ക് വാക്കുതര്ക്കവും അടിപിടിയുമായി. കയ്യില് കിട്ടിയ വിറകുകൊള്ളിയെടുത്ത് ബാലകൃഷ്ണന് സജീവന്റെ തലയ്ക്കടിച്ചു... അബോധാവസ്ഥയിലായ സജീവന്റെ കഴുത്തില് ശാന്തിയുടെ സാരി ഉപയോഗിച്ച് മുറുക്കി.. പുലര്ച്ചെ സജീവന്റെ മുഖത്ത് വെള്ളം തളിച്ച് ഉണര്ത്താന് ശ്രമിച്ചതോടെ സംഭവിച്ചത് മറ്റൊന്ന്... കുറ്റസമ്മത മൊഴിയിൽ പുറത്ത് വരുന്നത്.. സുഹൃത്തിന്റെ കൊലപാതകത്തില് ദമ്പതികൾ അറസ്റ്റില്
കുമളിക്കടത്ത് ഒട്ടകത്തലമേട്ടില് 55കാരനെ മരിച്ചനിലയില് കണ്ടെത്തിയ സംഭവം കൊലപാതകമെന്ന് പൊലീസ്. കുമളി സ്വദേശി സജീവനെ സുഹൃത്തായ ബാലകൃഷ്ണനും ഭാര്യ ശാന്തിയും കഴുത്തില് സാരി മുറുക്കി കൊല്ലുകയായിരുന്നുവെന്ന് പൊലീസ് പറഞ്ഞു.
മദ്യപിച്ചുകൊണ്ടിരിക്കെ ഉണ്ടായ വാക്കുതര്ക്കം കൊലപാതകത്തില് കലാശിക്കുകയായിരുന്നു. ശനിയാഴ്ചയാണ് കുമളി ഒന്നാം മൈല് സ്വദേശി സജീവനെ സുഹൃത്ത് ബാലകൃഷ്ണന്റെ വീട്ടില് മരിച്ച നിലയില് കണ്ടെത്തിയത്. ഹൃദായാഘാതം മൂലമാണ് സജീവന് മരിച്ചതെന്നായിരുന്നു ബാലകൃഷ്ണനും ഭാര്യ ശാന്തിയും നാട്ടുകാരോട് പറഞ്ഞത്. എന്നാല് പ്രാഥമിക അന്വേഷണത്തില് തന്നെ കൊലപാതകമെന്ന് പൊലീസിന് മനസ്സിലായി.
പോസ്റ്റുമോര്ട്ടം റിപ്പോര്ട്ടും ഇത് ശരിവെച്ചു. ദീപാവലി ആഘോഷിക്കാനായാണ് വെള്ളിയാഴ്ച വൈകീട്ട് സജീവന് ബാലകൃഷ്ണന്റെ വീട്ടിലെത്തുന്നത്. നന്നായി മദ്യപിച്ച ഇരുവരും ഇടക്ക് വാക്കുതര്ക്കവും അടിപിടിയുമായി. കയ്യില് കിട്ടിയ വിറകുകൊള്ളിയെടുത്ത് ബാലകൃഷ്ണന് സജീവന്റെ തലയ്ക്കടിച്ചു. തുടര്ന്ന് ബാലകൃഷ്ണനും ശാന്തിയും സജീവന്റെ കഴുത്തില് സാരി മുറുക്കി കൊലപ്പെടുത്തി.
മദ്യലഹരിയില് സംഭവിച്ചുപോയതെന്നാണ് പ്രതികളുടെ കുറ്റസമ്മത മൊഴി. പ്രതികളെ വീട്ടിലെത്തിച്ച് തെളിവെടുത്തു. തുടര്ന്ന് കോടതിയില് ഹാജരാക്കിയശേഷം പീരുമേട് ജയിലില് റിമാന്ഡ് ചെയ്തു. പോസ്റ്റുമോര്ട്ടത്തിന് ശേഷം കോട്ടയം മെഡിക്കല് കോളേജ് മോര്ച്ചറിയില് സൂക്ഷിച്ചിട്ടുള്ള സജീവന്റെ മൃതദേഹം നാളെ കുമളിയില് എത്തിച്ച് സംസ്കരിക്കും.
https://www.facebook.com/Malayalivartha
