സംസ്ഥാന ചരിത്രത്തില് അപൂർവ്വമായി പുറത്തിറക്കിയ ഓര്ഡിനന്സ് 48 മണിക്കൂറിനകം റദ്ദാക്കപ്പെടുന്നു; പൊലീസ് നിയമ ഭേദഗതി പിന്വലിക്കാനൊരുങ്ങി സംസ്ഥാന സര്ക്കാര്; തീരുമാനം മന്ത്രിസഭാ യോഗത്തിൽ; നിയമഭേദഗതി റദ്ദാക്കി കൊണ്ടുളള റിപീലിംഗ് ഓര്ഡര് ഉടനെ പുറത്തിറങ്ങും
24 NOVEMBER 2020 05:07 PM IST
മലയാളി വാര്ത്ത
പൊലീസ് നിയമ ഭേദഗതി പിന്വലിക്കാന് സംസ്ഥാന സര്ക്കാര് പുതിയ ഓര്ഡിനന്സ് ഇറക്കും. മന്ത്രിസഭാ യോഗം ഇതുസംബന്ധിച്ച തീരുമാനമെടുത്തു. തീരുമാനം ഗവര്ണറെ അറിയിക്കും. വിശദമായ ചര്ച്ചയ്ക്ക് ശേഷമായിരിക്കും പുതിയ ഭേദഗതി.
നിയമഭേദഗതി റദ്ദാക്കി കൊണ്ടുളള റിപീലിംഗ് ഓര്ഡര് ഉടനെ പുറത്തിറങ്ങും. സാധാരണഗതിയില് ബുധനാഴ്ച ദിവസമാണ് മന്ത്രിസഭായോഗം ചേരാറുളളത്. എന്നാല് മന്ത്രിസഭായോഗത്തില് പങ്കെടുക്കേണ്ട ചീഫ് സെക്രട്ടറിയുടെ അസൗകര്യം കണക്കിലെടുത്ത് ഇന്ന് വൈകുന്നേരം മന്ത്രിസഭായോഗം ചേരുകയും വിവാദഭേദഗതി പിന്വലിക്കാന് തീരുമാനിക്കുകയുമായിരുന്നു. സര്ക്കാര് പുറത്തിറക്കിയ ഒരു ഓര്ഡിനന്സ് 48 മണിക്കൂറിനകം റദ്ദാക്കപ്പെടുന്നത് സംസ്ഥാന ചരിത്രത്തില് തന്നെ അപൂര്വ്വ സംഭവമാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
