സംസ്ഥാനത്ത് എല്ഡിഎഫിന് തുടര്ഭരണം... എക്സിറ്റ് പോളുകള്ക്കെതിരെ രൂക്ഷ വിമര്ശനവുമായി ഉമ്മന് ചാണ്ടി
സംസ്ഥാനത്ത് എല്ഡിഎഫിന് തുടര്ഭരണമുണ്ടാകുമെന്ന എക്സിറ്റ് പോള് ഫലങ്ങള്ക്കെതിരെ രൂക്ഷ വിമര്ശനവുമായി മുന് മുഖ്യമന്ത്രി ഉമ്മന് ചാണ്ടി. എക്സിറ്റ് പോള് ഫലങ്ങള് ശ്രദ്ധ തിരിക്കാനും മനോവീര്യം തകര്ക്കാനും വേണ്ടി നിര്മ്മിച്ചവയാണെന്നും സര്വ്വെ കണ്ടെത്തലുകള് പരിഹാസ്യമാണെന്നും ഉമ്മന് ചാണ്ടി പറഞ്ഞു. ജനാധിപത്യ ബോധമുള്ള സമൂഹത്തെ ഇത്തരം അശാസ്ത്രീയ സര്വ്വെകള് പരിഹസിക്കുകയാണെന്നും തീര്ച്ചയായും തങ്ങള് ജയിച്ച് തിരിച്ചുവരുമെന്നും ഉമ്മന് ചാണ്ടി തിരിച്ചടിച്ചു. ഫേസ്ബുക്കിലൂടെയായിരുന്നു അദ്ദേഹത്തിന്റെ പ്രതികരണം.
ഫേസ്ബുക്ക് പോസ്റ്റിന്റെ പൂര്ണ രൂപം
യുഡിഎഫിന് ജനങ്ങളില് പൂര്ണ്ണ വിശ്വാസമുണ്ട്. ജനങ്ങള് എല്ഡിഎഫ് ദുര്ഭരണത്തിനെതിരെ വിധിയെഴുതിക്കഴിഞ്ഞു. സ്വജന പക്ഷപാതവും അഴിമതിയും ധൂര്ത്തും മുഖമുദ്രയാക്കിയ ഈ ഭരണം അവസാനിക്കണമന്നാണ് കേരളത്തിലെ ജനങ്ങള് ആഗ്രഹിക്കുന്നതെന്ന് വ്യക്തമാണ്.
ഇപ്പോള് പുറത്തുവരുന്ന 'എക്സിറ്റ് പോള് ' ഫലങ്ങള് നമ്മുടെ ശ്രദ്ധ തിരിച്ചുവിടാനും മനോവീര്യം തകര്ക്കാനും വേണ്ടി മാത്രമാണ്. ജനാധിപത്യ ബോധമുള്ള സമൂഹത്തെ പരിഹസിക്കലാണ് അശാസ്ത്രീയ സര്വേകള്. തികഞ്ഞ ആത്മവിശ്വാസത്തോടെ ഐക്യജനാധിപത്യമുന്നണി മുന്നോട്ടുപോകും . നമ്മള് വിജയിച്ച് തിരിച്ചുവരും, തീര്ച്ച .
https://www.facebook.com/Malayalivartha
