ട്രാന്‍സ്‌ജെന്‍ഡറുകളെ അധിക്ഷേപിച്ച വ്യക്തിയ്ക്ക് കിടിലന്‍ മറുപടി നല്‍കിയിരിക്കുകയാണ് വൈഗ സുബ്രഹ്മണ്യം.പെണ്ണായി മാറി ജീവിതം കുളമാക്കുന്നവരാണ് ട്രാന്‍സ്‌ജെന്‍ഡറുകളെന്നും കാമം തീര്‍ക്കാന്‍ ഇറങ്ങുന്നവരാണെന്നും അധിക്ഷേപിച്ചയാള്‍ക്കാണ് വൈഗ മറുപടി നല്‍കിയിരിക്കുന്നത്. കാശിനു വേണ്ടി ഒരുങ്ങിക്കെട്ടി ഇറങ്ങുന്നവരാണ് ട്രാന്‍സ്‌ജെന്‍ഡറുകളെന്നായിരുന്നു ഒരാളുടെ കമന്റ്. സ്വന്തം സ്വത്വം വെളിപ്പെടുത്തി ജീവിക്കുന്നത് ആരുടെയും ഔദാര്യമല്ലെന്ന് വൈഗ പറയുന്നു. 'ആളുകളെ അളക്കേണ്ടത് അവരുടെ വസ്ത്രധാരണ രീതിയും മേക്കപ്പും നോക്കിയാണെന്ന് താന്‍ വിചാരിക്കുന്നെങ്കില്‍ തന്നോട് ഒന്നേ പറയാനുള്ളൂ… ഇത് കഴിവുള്ളവരുടെ ലോകമാണ്… ആണിന്റെയും പെണ്ണിന്റെയും ലിംഗം നോക്കി നടക്കുന്ന തന്നെപ്പോലുള്ളവര്‍ക്കുള്ളതല്ല …' വൈഗ കുറിപ്പില്‍ പറഞ്ഞു.

ഫെയ്‌സ്ബുക്ക് കുറിപ്പ് വായിക്കാം:

മുഖമില്ലാത്ത ഒരുത്തന്റെ ജല്പനത്തിനുള്ള മറുപടി.

നാട്ടിലെ മാന്യന്മാരുടെ കൂട്ടത്തിലുള്ള മുഖമില്ലാത്ത കണ്ണൂര്‍ക്കാരനായ താന്‍ രാത്രി മണ്ണെണ്ണ വാങ്ങാനാണോ കോഴിക്കോട് വന്നത്… പിന്നെ താന്‍ എന്നെ രാത്രി എവിടെ വെച്ചു കണ്ടു… എത്ര തവണ കണ്ടു എന്ന് വ്യക്തമാക്കണം… സെക്‌സ് വര്‍ക്ക് മോശമാണെങ്കില്‍ നാളെ മുതല്‍ നീ എത്രപേരെ ചെല്ലും ചിലവും കൊടുത്ത് സംരക്ഷിക്കും കഴുത കാമം കരഞ്ഞു തീര്‍ക്കും… ഇത് ഞങ്ങളുടെ ജീവിതം… ഞങ്ങള്‍ ആസ്വദിച്ചു തന്നെ ജീവിക്കും… സഹിക്കുന്നില്ലെങ്കില്‍ കണ്ണും കാതും വായും മൂടിക്കെട്ടി നടക്ക്…എന്തും വിളിച്ചു പറയുന്ന നാവ് മനുഷ്യന് ചേര്‍ന്നതല്ല…

എന്റെ കാമം തീര്‍ക്കാന്‍ ഞാന്‍ എന്നാണ് തന്റെ പുറകില്‍ വന്നത് ഞാന്‍ കാശിനു വേണ്ടി ഒരുങ്ങിക്കെട്ടി നടക്കുന്നത് താന്‍ എത്ര തവണ കണ്ടു ഒരു പൊട്ടും ഭസ്മക്കുറിയും തൊട്ടാല്‍ അപാര മേക്കപ്പ് ആവുമോ ഇനി മേക്കപ്പ് ചെയ്യുന്നവരൊക്കെ താന്‍ പറഞ്ഞ കൂട്ടത്തില്‍ പെടുന്നവരാണോ അങ്ങനെ എങ്കില്‍ ആദ്യം പോയി ചോദിക്കേണ്ടത് സ്വന്തം വീട്ടില്‍ തന്നെയാണ്… വീട്ടില്‍ പോയി ഉമ്മയോടും പെങ്ങളോടും പറയണം വൃത്തിയുള്ള വസ്ത്രം ധരിക്കരുതെന്ന്… ആളുകളെ അളക്കേണ്ടത് അവരുടെ വസ്ത്രധാരണ രീതിയും മേക്കപ്പും നോക്കിയാണെന്ന് താന്‍ വിചാരിക്കുന്നെങ്കില്‍ തന്നോട് ഒന്നേ പറയാനുള്ളൂ… ഇത് കഴിവുള്ളവരുടെ ലോകമാണ്… ആണിന്റെയും പെണ്ണിന്റെയും ലിംഗം നോക്കി നടക്കുന്ന തന്നെപ്പോലുള്ളവര്‍ക്കുള്ളതല്ല …

പിന്നെ ഏതെങ്കിലും ട്രാന്‍സ് വിഭാഗം തന്റെ മുന്നില്‍ കൈ നീട്ടിയോ എന്ത് തൊഴില്‍ ചെയ്തിട്ടായാലും ഞങ്ങള്‍ ആരുടെ മുന്നിലും യാചിച്ചല്ല ജീവിക്കുന്നത്… ഇതില്‍ എത്രപേര്‍ ഇന്ന് സമൂഹത്തില്‍ ഉന്നതങ്ങളില്‍ ഇരിക്കുന്നുണ്ട് എന്ന് തനിക്ക് അറിയുമോ വളരെ ന്യൂനപക്ഷമായ ഒരു വിഭാഗം ഇത്രയും ചുരുങ്ങിയ കാലം കൊണ്ട് സ്വന്തം അവകാശങ്ങളെക്കുറിച്ചും ആനുകൂല്യങ്ങളെക്കുറിച്ചും ബോധവാന്മാരായിട്ടുണ്ടെങ്കില്‍ അതില്‍ തന്നെപോലുള്ളവരുടെ പങ്ക് എത്രത്തോളം ഉണ്ട്… ഇന്ന് കേരളത്തില്‍ എത്ര ട്രാന്‍സ് വിദ്യാര്‍ത്ഥികള്‍ ഉണ്ടെന്ന് തനിക്ക് വല്ല ധാരണയും ഉണ്ടോ എത്ര ട്രാന്‍സ്ജണ്ടെഴ്‌സ് കേരളത്തിലും ഇന്ത്യയിലും കൊലചെയ്യപ്പെട്ടു എന്ന് തനിക്കറിയുമോ… ഇത് മറ്റൊന്നുമല്ല അംഗീകരിക്കാനുള്ള വിമുഖത..ഭയം… അതാണ്… ഭീരുക്കള്‍ പലതവണ മരിക്കും.. ധീരന്മാര്‍ ഒരു തവണയേ മരിക്കുള്ളൂ… സ്വന്തം സ്വത്വം വിളിച്ചു പറഞ്ഞ് സ്വാതത്രത്തോടെ തന്നെ ഞങ്ങള്‍ ഇവിടെ ജീവിക്കും… നിന്റെയൊക്കെ കണ്മുന്നില്‍ തന്നെ..