'സിപിഐഎമ്മിന്റെ റെഡ് വേര്‍ഷന്‍ കഴിഞ്ഞു, ഇനി ഗോള്‍ഡ് വേര്‍ഷനെക്കുറിച്ച്‌ കേരളം കേള്‍ക്കാനിരിക്കുന്നതെയുള്ളൂ'; സിപിഐഎമ്മിനെതിരെ വിമര്‍ശനവുമായി ബി ജെ പി നേതാവ് ശോഭ സുരേന്ദ്രന്‍
സിപിഐഎമ്മിനെതിരെ വിമര്‍ശനവുമായി ബി ജെ പി നേതാവ് ശോഭ സുരേന്ദ്രന്‍. സിപിഎമ്മിന്റെ റെഡ് വേര്‍ഷന്‍ കഴിഞ്ഞു, ഇനി ഗോള്‍ഡ് വേര്‍ഷനെക്കുറിച്ച്‌ കേരളം കേള്‍ക്കാനിരിക്കുന്നതെയുള്ളൂവെന്ന് അവര്‍ പ്രതികരിച്ചു.
ഫേസ്ബുക്ക് കുറിപ്പിലൂടെയാണ് വിമര്‍ശനവുമായി ശോഭ സുരേന്ദ്രന്‍ രംഗത്തെത്തിയിരിക്കുന്നത്. 22 തവണയെങ്കിലും അര്‍ജുന്‍ ആയങ്കി സ്വര്‍ണ്ണം തട്ടിയെടുത്തു എന്നാണ് പുറത്ത് വരുന്ന റിപ്പോര്‍ട്ടെന്നും, അങ്ങനെയെങ്കില്‍ അതില്‍ 7-8 നടത്തിയത് കമ്മ്യൂണിസ്റ്റ്‌ പാര്‍ട്ടിക്ക് വേണ്ടി മാത്രമാണെന്നും അവര്‍ കുറിപ്പില്‍ പറയുന്നു.
ശോഭ സുരേന്ദ്രന്റെ ഫേസ്ബുക്ക് പോസ്റ്റ്
തിരുവനന്തപുരത്ത് സ്വര്‍ണ്ണം കടത്താന്‍ മുഖ്യമന്ത്രിയുടെ ഓഫീസ് ഉപയോഗിക്കുക. നെടുമ്ബാശ്ശേരിയില്‍ സ്വര്‍ണ്ണം കടത്തിയവരെ രാഷ്ട്രീയ എതിരാളികളെ കൊല്ലാന്‍ ക്വട്ടേഷനായി ഉപയോഗിക്കുക. കരിപ്പൂരില്‍ DYFI ക്കാരെ ഉപയോഗിച്ച്‌ കടത്തിയ സ്വര്‍ണ്ണം തട്ടിയെടുക്കുക. ഇങ്ങനെ തട്ടിയെടുത്ത സ്വര്‍ണ്ണത്തിന്റെ മൂന്നിലൊന്ന് കമ്മീഷനായി പാര്‍ട്ടി നേരിട്ടെടുക്കുക!
22 തവണയെങ്കിലും അര്‍ജുന്‍ ആയങ്കി സ്വര്‍ണ്ണം തട്ടിയെടുത്തു എന്നാണ് പുറത്ത് വരുന്ന റിപ്പോര്‍ട്ട്. അങ്ങനെയെങ്കില്‍ അതില്‍ 7-8 പൊട്ടിക്കല്‍ നടത്തിയത് കമ്മ്യൂണിസ്റ്റ്‌ പാര്‍ട്ടിക്ക് വേണ്ടി മാത്രമാണ്.
സിപിഐഎമ്മിന്റെ റെഡ് വേര്‍ഷന്‍ കഴിഞ്ഞു. ഇനി ഗോള്‍ഡ് വേര്‍ഷനെക്കുറിച്ച്‌ കേരളം കേള്‍ക്കാനിരിക്കുന്നതെയുള്ളൂ...
https://www.facebook.com/Malayalivartha
