വീട്ടില് നിന്ന് കാണാതായ 11 കാരിയെ പുഴയില് മരിച്ച നിലയില് കണ്ടെത്തി; മരിച്ച പെണ്കുട്ടിക്ക് മനോവൈകല്യം ഉണ്ടായിരുന്നുവെന്ന് വീട്ടുകാര്
ഞായറാഴ്ച രാവിലെ വീട്ടില് നിന്ന് കാണാതായ 11 കാരിയെ വീടിന് സമീപത്തെ പുഴയില് മരിച്ച നിലയില് കണ്ടെത്തി. കുദ്രോളി ഹൈദരലി റോഡില് താമസിക്കുന്ന സലാമിന്റെ മകള് മുഫീദയാണ് മരിച്ചത്. രാവിലെ എട്ട് മണിയോടെയാണ് മുഫീദയെ കാണാതായത്. തുടര്ന്ന് വീട്ടുകാരും നാട്ടുകാരും പെണ്കുട്ടിക്കായി പലയിടങ്ങളിലും തിരച്ചില് നടത്തിയെങ്കിലും ഫലമുണ്ടായില്ല. സമീപത്തെ വീട്ടിലെ സിസിടിവി പരിശോധിച്ചപ്പോള്, പെണ്കുട്ടി തന്റെ വീട്ടില് നിന്ന് 200 മീറ്റര് അകലെയുള്ള പുഴയുടെ ഭാഗത്തേക്ക് നടന്നുപോവുന്നത് ദൃശ്യങ്ങളില് പതിഞ്ഞിരുന്നു. തുടര്ന്ന് നാട്ടുകാര് കുദ്രോളി പുഴയ്ക്ക് സമീപം തിരച്ചില് നടത്തിയപ്പോഴാണ് ഉച്ചയോടെ പെണ്കുട്ടിയുടെ മൃതദേഹം കണ്ടെത്തിയത്.
മരിച്ച പെണ്കുട്ടിക്ക് മനോവൈകല്യം ഉണ്ടായിരുന്നുവെന്നും വീട്ടുകാര് ജോലികളില് മുഴുകിയിരിക്കുമ്ബോള് വാതില് തുറന്ന് പുറത്തേക്ക് പോകുകയായിരുന്നുവെന്നും പറയുന്നു. മൃതദേഹം പോസ്റ്റുമോര്ടെത്തിനായി വെന്ലോക് ആശുപത്രിയിലേക്ക് മാറ്റി.
https://www.facebook.com/Malayalivartha