മലപ്പുറം പുതുപൊന്നാനിയിൽ ടൂറിസ്റ്റ് ബസ് മറിഞ്ഞുണ്ടായ അപകടത്തിൽ നിരവധി പേർക്ക് പരിക്കേറ്റു.ഇന്ന് പുലർച്ചെ മൂന്ന് മണിയോടെയായിരുന്നു അപകടം നടന്നത്. 45ഓളം ആളുകളാണ് ബസിൽ ഉണ്ടായിരുന്നത്. അപകടത്തിൽ കുട്ടികളടക്കം 25 പേർക്ക് പരുക്കേറ്റു.

പരുക്കേറ്റവരെ പൊന്നാനി താലൂക്ക് ആശുപത്രിയിലും കോഴിക്കോട് മെഡിക്കൽ കോളജിലും പ്രവേശിപ്പിച്ചു. 17 പേരാണ് സാരമായ പരുക്കുകളോടെ മെഡിക്കൽ കോളജിലുള്ളത്.വയനാട് സുൽത്താൻ ബത്തേരി സ്വദേശികൾ സഞ്ചരിച്ചിരുന്ന ടൂറിസ്റ്റ് ബസ് ആണ് അപകടത്തിൽ പെട്ടത്.

അതേസമയം കഴിഞ്ഞ ദിവസം കൊല്ലത്ത് പൊ​ലീ​സ് വാ​ഹ​ന​ത്തി​ൽ പാ​ഴ്സ​ൽ ലോ​റി​യി​ടി​ച്ച് ഉണ്ടായ അപകടത്തിൽ മൂ​ന്ന് പൊ​ലീ​സ് ഉ​ദ്യോ​ഗ​സ്ഥ​ർ​ക്ക് പ​രി​ക്കേറ്റു. എ​സ്‌.​ഐ വി​ന​യ​ൻ, എ.​എ​സ്‌.​ഐ ഹ​രി​കു​മാ​ർ, ഡ്രൈ​വ​ർ സി.​പി.​ഒ സ​ന്തോ​ഷ് എ​ന്നി​വ​ർ​ക്കാ​ണ് പ​രി​ക്കേ​റ്റ​ത്. ഹൈ​വേ പൊലീസിന്റെ വാഹനത്തിലാണ് ലോറിയിടിച്ചത്.

ക​ഴി​ഞ്ഞ​ ദി​വ​സം അർധരാത്രി 12.45ന് ആണ് സംഭവം. ​കൊ​ല്ലം-​തി​രു​വ​ന​ന്ത​പു​രം ദേ​ശീ​യ​പാ​ത​യി​ൽ ക​ല്ലു​വാ​തു​ക്ക​ൽ പാ​റ​യി​ൽ ജ​ങ്​​ഷ​ന് സ​മീ​പ​മാ​ണ്​ അ​പ​ക​ട​മു​ണ്ടാ​യ​ത്. സംഭവത്തിൽ പാ​രി​പ്പ​ള്ളി പൊ​ലീ​സ് കേ​സെ​ടു​ത്തു. അപകടത്തിൽ പരിക്കേറ്റ പൊലീസുകാർ ആശുപത്രിയിൽ ചികിത്സയിലാണ്. ആരുടെയും നില ​ഗുരുതരമല്ല.