രാജ്യസഭാ ഉപതെരഞ്ഞെടുപ്പ് ഇന്ന്... എല്ഡിഎഫ് സ്ഥാനാര്ഥിയായി കേരള കോണ്ഗ്രസ്- എമ്മിലെ ജോസ്.കെ. മാണിയും യുഡിഎഫ് സ്ഥാനാര്ഥിയായി കോണ്ഗ്രസിലെ ശൂരനാട് രാജശേഖരനുമാണു മത്സരിക്കുന്നത്
ജോസ് കെ. മാണി രാജിവച്ച ഒഴിവിലേക്കുള്ള രാജ്യസഭാ ഉപതെരഞ്ഞെടുപ്പ് ഇന്നു നടക്കും. എല്ഡിഎഫ് സ്ഥാനാര്ഥിയായി കേരള കോണ്ഗ്രസ്- എമ്മിലെ ജോസ്.കെ. മാണിയും യുഡിഎഫ് സ്ഥാനാര്ഥിയായി കോണ്ഗ്രസിലെ ശൂരനാട് രാജശേഖരനുമാണു മത്സരിക്കുന്നത്.
നിയമസഭയിലെ ഇപ്പോഴത്തെ അംഗസംഖ്യപ്രകാരം ജോസ് കെ. മാണിക്കു വിജയിക്കാനാകും.
ഇന്നു രാവിലെ ഒന്പതു മുതല് വൈകുന്നേരം നാലുവരെയാണു തെരഞ്ഞെടുപ്പ്. ഇപ്പോഴത്തെ സഭയില് എല്ഡിഎഫിന് 99 അംഗങ്ങളും യുഡിഎഫിന് 41 പേരുമാണുള്ളത്. മുന്നണികള് വിപ്പ് നല്കിയ സാഹചര്യത്തില് അംഗങ്ങള് വോട്ട് രേഖപ്പെടുത്തിയ ശേഷം പാര്ട്ടിയുടെ ഇന് ഹൗസ് ഏജന്റിനെ കാണിക്കേണ്ടതുണ്ട്.
എല്ഡിഎഫിന് സി.കെ. ഹരീന്ദ്രനും ഐ.ബി. സതീഷും യുഡിഎഫിന് അന്വര് സാദത്തും സജീവ് ജോസഫുമാണ് ഇന്ഹൗസ് ഏജന്റുമാര്. വൈകുന്നേരം അഞ്ചിന് വോട്ടെണ്ണും.
അരമണിക്കൂറിനുള്ളില് ഫലപ്രഖ്യാപനം നടത്തും. യുഡിഎഫ് പിന്തുണയോടെയാണ് 2018ല് ജോസ് കെ. മാണി രാജ്യസഭയിലെത്തിയത്. കേരള കോണ്ഗ്രസ്- എം യുഡിഎഫ് വിട്ട് ഇടതുമുന്നണിയുടെ ഭാഗമായതോടെ രാജ്യസഭാംഗത്വം രാജിവച്ചു. തുടര്ന്നാണ് ഉപതെരഞ്ഞെടുപ്പു വേണ്ടി വന്നത്.
https://www.facebook.com/Malayalivartha
