തെരുവിൽ തമ്മിലടിച്ച് സിപിഎം ബ്രാഞ്ച് സെക്രട്ടറിമാർ... ഒടുവിൽ ചോരയും ചോരപ്പുഴയും... വിളവൂർക്കൽ പഞ്ചായത്തിൽ സംഭവിച്ചത് നാടകീയമായ രംഗങ്ങൾ...... ഞെട്ടിത്തരിച്ച് കമ്മ്യൂണിസ്റ്റ് പാർട്ടി..... വിളവൂർക്കൽ പഞ്ചായത്തിൽ പെരുകാവ് ലോക്കൽ കമ്മിറ്റിക്കു കീഴിലെ കോളച്ചിറ, ഈഴക്കോട് ബ്രാഞ്ച് കമ്മിറ്റി സെക്രട്ടറിമാരുടെ നേതൃത്വത്തിലാണ് ഞായറാഴ്ച ഉച്ചയ്ക്ക് മൂന്നുമണിയോടെ ഏറ്റുമുട്ടൽ അരങ്ങേറിയത്.

അടുത്തടുത്തുള്ളതാണ് ഇരു ബ്രാഞ്ച്‌ കമ്മിറ്റി ഓഫീസുകളും .വിളപ്പിൽ ഏരിയാ സമ്മേളനത്തിന്റെ ഭാഗമായി ഞായറാഴ്ച വൈകീട്ട് ഈഴക്കോട് കവലയിൽ യുവജന സമ്മേളനം നടക്കുവാനിരിക്കുകയായിരുന്നു. അതിനു മുന്നേയായിരുന്നു വേദിക്കു മുന്നിൽ റോഡിൽ അടിപിടി അരങ്ങേറിയത് .സംഭവം ഇങ്ങനെ; ഈഴക്കോട് ബ്രാഞ്ച് സെക്രട്ടറി ശ്രീകുമാർ യുവജനസമ്മേളനം സംഘടിപ്പിക്കുവാനുള്ള നെട്ടോട്ടത്തിലായിരുന്നു . ഈ സമയം കോളച്ചിറ ബ്രാഞ്ച് സെക്രട്ടറി അനീഷിന്റെ നേതൃത്വത്തിൽ ഏതാനുംപേർ ഈഴക്കോടെത്തി ശ്രീകുമാറിനെ റോഡരികിലെ വീടിനു മുന്നിലിട്ട് മർദിക്കുകയായിരുന്നു.

മുഖത്തു പരിക്കേറ്റ അനീഷ് മലയിൻകീഴ് താലൂക്ക് ആശുപത്രിയിൽ ചികിത്സ തേടുകയും ചെയ്തു. വിളപ്പിൽ ഏരിയാ കമ്മിറ്റിയിൽ സി.പി.എം. സമ്മേളനത്തിൽ ഔദ്യോഗിക പക്ഷത്തിനോടൊപ്പം നിൽക്കുന്ന രണ്ടു വിഭാഗങ്ങൾ ഉണ്ട് . രണ്ടു പക്ഷത്തായി പാർട്ടി പിടിക്കാൻ മത്സരം നടത്തുന്നത് ഏരിയാ സെക്രട്ടറിയെ അനുകൂലിക്കുന്നവരും എതിർക്കുന്നവരുമാണ് .

ഈഴക്കോട് ബ്രാഞ്ച് സെക്രട്ടറിയായിരുന്ന ശ്രീകുമാറിനെ സമ്മേളനത്തിൽ സെക്രട്ടറി സ്ഥാനത്തുനിന്നും ഒഴിവാക്കാൻ ശ്രമം നടന്നിരുന്നു. പക്ഷേ പരാജയപ്പെട്ടു . ഇതു മറുവിഭാഗത്തിനെ പ്രകോപിതരാക്കി . തെരുവിലെ അടിപിടിക്കിടെ അരമണിക്കൂറോളം റോഡിൽ ഗതാഗതവും തടസ്സപ്പെടുകയുണ്ടായി .