സംസ്ഥാനത്ത് വീണ്ടും പക്ഷിപ്പനി ഭീതി. അമ്പലപ്പുഴ പുറക്കാട്ട് ആയിരക്കണക്കിന് താറാവുകള്‍ ചത്തതാണ് വീണ്ടും ഭീതി സൃഷ്ടിച്ചിരിക്കുന്നത്. പുറക്കാട് പഞ്ചായത്തിലെ ഒരു കര്‍ഷകന്റെ നാലായിരത്തോളം താറാവുകളാണ് ചത്തത്.

70 ദിവസത്തോളം പ്രായമായ താറാവുകള്‍ രണ്ടാഴ്ചയ്ക്കിടെ കൂട്ടത്തോടെ ചത്തതാണ് പക്ഷിപ്പനിയെന്ന ഭീതിക്ക് കാരണമായിരിക്കുന്നത്. ക്രിസ്മസ് വിപണി ലക്ഷ്യമിട്ട് വളര്‍ത്തിയിരുന്ന താറാവുകള്‍ ചത്തത് കര്‍ഷകന് കടുത്ത പ്രതിസന്ധിയായി. സമീപത്തെ മറ്റ് കര്‍ഷകരുടെ താറാവുകള്‍ ചത്തുവീഴുന്നുണ്ടെന്നാണ് വിവരം.

സംഭവമറിഞ്ഞ് മൃഗസംരക്ഷണ വകുപ്പ് അധികൃതര്‍ എത്തി പ്രതിരോധ മരുന്ന് നല്‍കിയെങ്കിലും ഫലമുണ്ടായില്ല. പിന്നീട് തീറ്റയില്‍ മരുന്ന കലര്‍ത്തി നല്‍കാന്‍ അധികൃതര്‍ നിര്‍ദ്ദേശിച്ചെങ്കിലും ഇതും ഫലമുണ്ടാക്കിയില്ല.

മുന്‍പ് പക്ഷിപ്പനി മൂലം താറാവുകള്‍ ചത്തതിന് സമാനമായ ലക്ഷണങ്ങള്‍ തന്നെയാണ് ഇത്തവണയും കാണുന്നതെന്ന് കര്‍ഷകര്‍ വ്യക്തമാക്കിയിട്ടുണ്ട്. കനത്ത നഷ്ടമുണ്ടായിട്ടും നഷ്ടപരിഹാരം നല്‍കുന്നതിനുള്ള നടപടികളൊന്നും അധികൃതര്‍ സ്വീകരിക്കുന്നില്ലെന്ന് കര്‍ഷകര്‍ക്ക് പരാതിയുണ്ട്. പ്രദേശത്തെ നിരവധി താറാവുകള്‍ക്ക് നിലവില്‍ രോഗലക്ഷണങ്ങളുണ്ടെന്നും കര്‍ഷകര്‍ .