കസവ് സാരിയും കസ്റ്റമൈസ് ചെയ്ത ബ്ലൗസും ധരിച്ച് അപ്സര. മുണ്ടും ഗോൾഡൻ നിറത്തിലുള്ള ജുബ്ബയുമായി മണവാളനായി ആൽബി. നടി അപ്സര രത്നാകരന്റെ വിവാഹം കഴിഞ്ഞു.സംവിധായകൻ ആൽബി ഫ്രാൻസിസാണ് വരൻ. നവംബർ 29ന് ചോറ്റാനിക്കരയിൽ വച്ചായിരുന്നു ചടങ്ങുകൾ നടന്നത് .അടുത്ത ബന്ധുക്കളും സഹപ്രവർത്തകരും വിവാഹത്തിൽ പങ്കെടുത്തു.

ഇരുവരും രണ്ടു വർഷത്തെ പ്രണയമായിരുന്നു. അത് വിവാഹത്തിലെത്തുകയായിരുന്നു . അപ്സര മുഖ്യ വേഷത്തിലെത്തിയ സീരിയലായിരുന്നു ‘ഉള്ളത് പറഞ്ഞാല്‍’. ഈ സീരിയലിന്റെ സംവിധായകൻ ആൽബി ആയിരുന്നു. ഈ സീരിയലിലെ പ്രകടനത്തിന് അപ്സരയ്ക്ക് മികച്ച നടിക്കുള്ള സംസ്ഥാന ടെലിവിഷൻ അവാർഡ് നേടി

തിരുവനന്തപുരം സ്വദേശിനിയായ അപ്സര 8 വർഷമായി അഭിനയരംഗത്തുണ്ട്. 22 ലധികം സീരിയലുകളിൽ അഭിനയിച്ചു.സാന്ത്വനം സീരിയലിലെ ജയന്തി എന്ന കഥാപാത്രത്തെയാണ് ഇപ്പോൾ‌ അവതരിപ്പിക്കുന്നത്. ആൽബി തൃശൂർ സ്വദേശിയാണ്. പത്തുവർഷമായി ടെലിവിഷന്‍ രംഗത്ത് സജീവമാണ്. നിരവധി ഷോകളുടെ സംവിധായകനായ ആൽബി അവതാരകനായും ശ്രദ്ധ നേടിയിട്ടുണ്ട്.

നടിയും സഹപ്രവർത്തകയുമായ സ്നേഹ ശ്രീകുമാർ ഇവർക്ക് ആശംസകൾ അറിയിച്ചിരുന്നു . ‘‘നാളെ വിവാഹിതരാവുന്ന ആൽബിയ്ക്കും അപ്സരയ്ക്കും വിവാഹമംഗളാശംസകൾ നാളെത്തെ തിരക്കിനിടയിൽ മുങ്ങിപ്പോകാതിരിക്കാൻ ഇന്നേ ആശംസകൾ. ദൈവം രണ്ടു പേരെയും അനുഗ്രഹിക്കട്ടെ. ഹാപ്പി മാരിഡ് ലൈഫ് എന്നായിരുന്നു സ്നേഹ പറഞ്ഞത്.