കുപ്പിയില്‍ പെട്രോള്‍ നല്‍കിയില്ല.. പെട്രോള്‍ പമ്പ് ജീവനക്കാരനെ യുവാവ് കുത്തിപ്പരിക്കേല്‍പ്പിച്ചു,.തിരുവല്ല ഇടിഞ്ഞില്ലത്തെ പെട്രോള്‍ പമ്പ് ജീവനക്കാരനെയാണ് യുവാവ് കുത്തിപ്പരിക്കേല്‍പ്പിച്ചത്.

പ്രതി ചക്കുളം സ്വദേശി ശ്യാമിനെ പമ്പ് ജീവനക്കാര്‍ ചേര്‍ന്ന് കീഴ്‌പ്പെടുത്തി പോലീസിന് കൈമാറി. ഇയാള്‍ക്കൊപ്പമുണ്ടായിരുന്ന സുഹൃത്തിനായി പോലീസ് തെരച്ചില്‍ തുടരുന്നു.

കഴിഞ്ഞ രാത്രിയാണ് സംഭവം. ബൈക്കിലെത്തിയ രണ്ടംഗ സംഘം കുപ്പില്‍ പെട്രോള്‍ നല്‍കാന്‍ ആവശ്യപ്പെട്ടു. ജീവനക്കാര്‍ നിരസിച്ചതോടെ ഇവരില്‍ ഒരാള്‍ പമ്പിലെ ജീവനക്കാരനായ അഖിലിനെ കുത്തിവീഴ്ത്തുകയായിരുന്നു. പരിക്കേറ്റ അഖില്‍ കോട്ടയം മെഡിക്കല്‍ കോളജ് ആശുപത്രിയില്‍ ചികിത്സയിലാണ് .