ലോകായുക്ത നിയമഭേദഗതിയില് നിയമവിരുദ്ധമായി ഒന്നുമില്ല; അപ്പീല് അധികാരമില്ലാത്ത വകുപ്പ് നല്കിയത് ഭരണ ഘടനയുടെ 164 അനുഛേദത്തിന് വിരുദ്ധം; നിയമഭേദഗതിയെ ന്യായികരിച്ച് സിപിഐ എം സംസ്ഥാന സെക്രട്ടറി കോടിയേരി ബാലകൃഷ്ണന്
ലോകായുക്ത നിയമഭേദഗതിയില് നിയമവിരുദ്ധമായി ഒന്നുമില്ലെന്നും നടപടി നിയമാനുസൃതമാണെന്നും സിപിഐ എം സംസ്ഥാന സെക്രട്ടറി കോടിയേരി ബാലകൃഷ്ണന് പറഞ്ഞു. ലോകായുക്തയിലെ സെക്ഷന് 14 ലാണ് ചട്ടലംഘനം നടത്തിയാല് പദവിയില് നിന്നും പുറത്താക്കാന് അധികാരികള് നിര്ബന്ധിതരാകുന്നത്. അതിനുമുകളില് അപ്പീല് അധികാരമില്ലെന്നതാണ് പ്രശ്നം.
അപ്പീല് അധികാരമില്ലാത്ത വകുപ്പ് നല്കിയത് ഭരണ ഘടനയുടെ 164 അനുഛേദത്തിന് വിരുദ്ധമാണെന്നാണ് അഡ്വക്കേറ്റ് ജനറല് ചൂണ്ടിക്കാട്ടിയത്. അതിന്റെ അടിസ്ഥാനത്തിലാണ് ഭേദഗതി വരുത്താന് മന്ത്രിസഭ തീരുമാനിച്ചതും ഓര്ഡിനന്സ് ഗവര്ണറുടെ അംഗീകാരത്തിനായി സമര്പ്പിച്ചതുമെന്നും കോടിയേരി ബാലകൃഷ്ണന് പറഞ്ഞു.
അതേസമയം ലോകായുക്ത ഭേദഗതി ഓര്ഡിനന്സ് ഒപ്പ് വയ്ക്കരുതെന്ന് ആവശ്യപ്പെട്ട് പ്രതിപക്ഷ നേതാവിന്റെ നേതൃത്വത്തില് യു.ഡി.എഫ് പ്രതിനിധി സംഘം ഗവര്ണറെ കാണും. വ്യാഴാഴ്ച രാവിലെയാണ് യു.ഡി.എഫ് പ്രതിനിധി സംഘം ഗവര്ണറെ കാണാന് അനുമതി തേടിയിരിക്കുന്നത്.
ലോകായുക്ത ഭേദഗതി ഓര്ഡിനന്സില് ഒപ്പുവയ്ക്കരുതെന്ന് ആവശ്യപ്പെട്ട് പ്രതിപക്ഷ നേതാവ് ഗവര്ണര്ക്ക് കത്ത് നല്കിയിരുന്നു. ഇതിനു പിന്നാലെയാണ് ഗവര്ണറെ നേരില്ക്കണ്ട് ഇക്കാര്യം ആവശ്യപ്പെടാന് യു.ഡി.എഫ് തീരുമാനിച്ചത്.
https://www.facebook.com/Malayalivartha
