ജില്ലയിലെ കല്ലമ്ബലത്ത് നാല് പൊലീസുകാര്‍ക്ക് കുത്തേറ്റു. ലഹരിമരുന്ന് കേസിലെ പ്രതിയെ പിടികൂടുന്നതിനിടെ പ്രതി നടത്തിയ ആക്രമണത്തിലാണ് പോലീസുകാര്‍ക്ക് പരിക്കേറ്റത്.

കല്ലമ്ബലം പൊലീസ് സ്റ്റേഷനിലെ വിനോദ്, ചന്ദു, ശ്രീജിത്ത്, ജയന്‍ എന്നിവര്‍ക്കാണ് കുത്തേറ്റത്. ഇവരില്‍ രണ്ട് പേരുടെ നില ഗുരുതരമാണെന്നാണ് റിപ്പോര്‍ട്ട്. സംഭവത്തില്‍ പ്രതി അനസിനെ പൊലീസ് പിടികൂടി. പരുക്കേറ്റ പൊലീസുകാരില്‍ ഒരാള്‍ക്ക് നട്ടെല്ലിനും കഴുത്തിലും പരുക്കേറ്റു. ഇവരെ തിരുവനന്തപുരത്തെ സ്വകാര്യ ആശുപത്രിയിലും മറ്റ് രണ്ട് പേരെ പാരിപ്പള്ളിയിലെ ആശുപത്രിയിലും പ്രവേശിപ്പിച്ചു.