ക്ളിഫ് ഹൗസില് പഴുതടച്ച സുരക്ഷ... മുഖ്യമന്ത്രിയുടെ ഔദ്യോഗിക വസതിയായ ക്ളിഫ് ഹൗസില് പഴുതടച്ച സുരക്ഷ ഒരുക്കുന്നതിന്റെ ഭാഗമായി 24 മണിക്കൂറും പ്രവര്ത്തിക്കുന്ന പൊലീസ് കണ്ട്രോള് റൂം ആരംഭിച്ചു, മുഖ്യമന്ത്രി ഉള്പ്പെടെ മന്ത്രിമാരുടെയും മന്ത്രി മന്ദിരങ്ങളുടെയും സുരക്ഷ വര്ദ്ധിപ്പിക്കുന്നതിനും അതീവ സുരക്ഷാ മേഖലയെന്ന നിലയിലുമാണ് ക്ളിഫ് ഹൗസ് വളപ്പില് കണ്ട്രോള് റൂം പ്രവര്ത്തനം തുടങ്ങിയതെന്ന് സിറ്റി പൊലീസ് കമ്മീഷണര്
ക്ളിഫ് ഹൗസില് പഴുതടച്ച സുരക്ഷ... മുഖ്യമന്ത്രിയുടെ ഔദ്യോഗിക വസതിയായ ക്ളിഫ് ഹൗസില് പഴുതടച്ച സുരക്ഷ ഒരുക്കുന്നതിന്റെ ഭാഗമായി 24 മണിക്കൂറും പ്രവര്ത്തിക്കുന്ന പൊലീസ് കണ്ട്രോള് റൂം ആരംഭിച്ചു, മുഖ്യമന്ത്രി ഉള്പ്പെടെ മന്ത്രിമാരുടെയും മന്ത്രി മന്ദിരങ്ങളുടെയും സുരക്ഷ വര്ദ്ധിപ്പിക്കുന്നതിനും അതീവ സുരക്ഷാ മേഖലയെന്ന നിലയിലുമാണ് ക്ളിഫ് ഹൗസ് വളപ്പില് കണ്ട്രോള് റൂം പ്രവര്ത്തനം തുടങ്ങിയതെന്ന് സിറ്റി പൊലീസ് കമ്മീഷണര് .
യുവമോര്ച്ച പ്രവര്ത്തകര് ക്ളിഫ് ഹൗസ് വളപ്പില് കെ-റെയില് സര്വേകല്ല് സ്ഥാപിച്ച സംഭവം ഗുരുതര സുരക്ഷാ വീഴ്ചയായി വിലയിരുത്തിയതിന് പിന്നാലെയാണ് സുരക്ഷ വര്ദ്ധിപ്പിക്കാന് തീരുമാനമായത്. സുരക്ഷയ്ക്ക് സ്റ്റേറ്റ് ഇന്ഡസ്ട്രിയല് സെക്യൂരിറ്റി ഫോഴ്സ് കമാന്ഡോ സംഘത്തെ നിയമിച്ചതിന് പുറമേയാണ് സി.സി ടി.വി കാമറ സംവിധാനം ഉള്പ്പെടെയുള്ള കണ്ട്രോള് റൂം നിരീക്ഷണവും ഏര്പ്പെടുത്തി.
കെ റെയില് പ്രതിഷേധങ്ങള് നാടെങ്ങും ശക്തമാകുമ്പോള് ക്ലിഫ് ഹൗസിന് സുരക്ഷ വര്ധിപ്പിച്ചു സര്ക്കാര്. മറ്റ് മന്ത്രിമാരുടെയും വസതികള്ക്ക് സുരക്ഷ വര്ധിപ്പിച്ചു കൊണ്ടാണ് പൊലീസ് തീരുമാനമായത്.
സുരക്ഷ ശക്തമാക്കാന് ഇടയാക്കിയത് ക്ലിഫ്ഹൗസ് കോമ്പൗണ്ടില് യുവമോര്ച്ചക്കാര് ഇരച്ചു കയറി മഞ്ഞക്കുറ്റി നാട്ടിയതോടെയാണ് പൊലീസ് ഉന്നതര്ക്കും സുരക്ഷ കൂട്ടേണ്ട കാര്യത്തില് ശ്രദ്ധ വന്നത്. ഗേറ്റിലെ പഴയ ഗാര്ഡ് റൂമിലാണ് സംവിധാനമൊരുക്കിയിട്ടുള്ളത് . പുതിയ കെട്ടിടത്തിന്റെ നിര്മ്മാണം പൂര്ത്തിയായാലുടന് അവിടേക്ക് മാറ്റും. ഇതിന്റെ മേല്നോട്ടം കണ്ട്രോള് റൂം അസി. കമ്മിഷണര്ക്കാണ് .
. 65 പൊലീസുകാര് ഷിഫ്റ്റ് അടിസ്ഥാനത്തില് ഡ്യൂട്ടിക്കുണ്ടാകും. ക്ളിഫ് ഹൗസ് വളപ്പുള്പ്പെടെ ചുറ്റുവട്ടത്തെ 10 കിലോമീറ്ററോളം സ്ഥലമാണ് കണ്ട്രോള് റൂം പരിധിയില് പെടുന്നത്. ഈ ഭാഗത്തെ ഒന്പത് മന്ത്രി മന്ദിരങ്ങളുടെ വളപ്പുകളും കാമറ നിരീക്ഷണത്തിലാക്കിയിട്ടുണ്ട്. 32 കാമറകളാണുള്ളത്. ദൃശ്യങ്ങള് കണ്ട്രോള് റൂമില് നിരീക്ഷിക്കും.
പുതിയ പിക്കറ്റ് പോസ്റ്റുകളും പട്രോളിങ് പോയിന്റുകളും സ്ഥാപിച്ചു. മന്ത്രി മന്ദിരങ്ങളില് പിന്വശത്തുള്പ്പെടെ പൊലീസുകാരെ അധികമായി ഡ്യൂട്ടിക്ക് നിയോഗിച്ചിട്ടുണ്ട്.
ക്ളിഫ് ഹൗസ് കണ്ട്രോള് റൂമിലെ ജീപ്പിനു പുറമേ സിറ്റി കണ്ട്രോള് റൂമില് നിന്നുള്ള രണ്ട് ജീപ്പുകളും ഈ ഭാഗത്ത് സദാസമയും പട്രോളിങ് നടത്തും.
മ്യൂസിയം സ്റ്റേഷനിലെ ഒരു ജീപ്പും പതിവ് പട്രോളിംഗിനെത്തും. രണ്ട് ബൈക്ക് പട്രോളിങ് സംഘവും രണ്ട് പൊലീസുകാര് വീതമുള്ള ഫുട് പട്രോളും ഉണ്ടാകും. ദേവസ്വം ബോര്ഡ് ജംഗ്ഷന്, ബെയ്ന്സ് കോമ്പൗണ്ട്, വൈ.എം.ആര് ജംഗ്ഷന്, മറ്റ് മന്ത്രി മന്ദിരങ്ങള് എന്നിവിടങ്ങളില് ഉള്പ്പെടെ ഒമ്പതോളം പിക്കറ്റുകളില് ബീറ്റ് ബുക്കും സ്ഥാപിച്ചു കഴിഞ്ഞു.
"
https://www.facebook.com/Malayalivartha
