അവര് പഠനം പൂര്ത്തിയാക്കാതെ കോളേജിന്റെ പടിയിറങ്ങി.... കണ്ണീരില് കുതിര്ന്ന് കോളേജ് അങ്കണം.... തോളോട് തോള് ചേര്ന്ന് കളിച്ചു നടന്നവരില് പെട്ടെന്ന് രണ്ട് പേര് വിട്ടകന്നപ്പോള് കൂട്ടൂകാര്ക്ക് അത് താങ്ങാനാവുന്നില്ല.... അവസാനമായി കോളേജ് മുറ്റത്തേക്ക് അവര് വെള്ള പുതച്ചെത്തിയത് കണ്ട് നിലവിളിച്ച് കൂട്ടുകാര്.... ആ കാഴ്ച കണ്ടു നിന്നവരെയെല്ലാം കണ്ണീരിലാഴ്ത്തി
അവര് പഠനം പൂര്ത്തിയാക്കാതെ കോളേജിന്റെ പടിയിറങ്ങി.... കണ്ണീരില് കുതിര്ന്ന് കോളേജ് അങ്കണം.... തോളോട് തോള് ചേര്ന്ന് കളിച്ചു നടന്നവരില് പെട്ടെന്ന് രണ്ട് പേര് വിട്ടകന്നപ്പോള് കൂട്ടൂകാര്ക്ക് അത് താങ്ങാനാവുന്നില്ല.... അവസാനമായി കോളേജ് മുറ്റത്തേക്ക് അവര് വെള്ള പുതച്ചെത്തിയത് കണ്ട് നിലവിളിച്ച് കൂട്ടുകാര്.... ആ കാഴ്ച കണ്ടു നിന്നവരെയെല്ലാം കണ്ണീരിലാഴ്ത്തി.
ഡയസിന്റേയും രാഹുലിന്റെയും കളിചിരികള് നിറഞ്ഞു നിന്നതായിരുന്നു ട്രിവാന്ഡ്രം കോളജ് ഓഫ് എന്ജിനീയറിങ് (സിഇടി) ക്യാംപസ്. എന്നാല് ഇന്നലെ കോളേജിലെ പുല്ക്കൊടിയെ പോലും കണ്ണീരണിയിച്ചായിരുന്നു ഇരുവരും അവസാനമായി കോളേജിന്റെ പടിയിറങ്ങിയത്. ആംബുലന്സില് വെള്ളപുതച്ചെത്തിയ ഇരുവരുടേയും മൃതദേഹം കണ്ട് കൂട്ടുകാര് വിതുമ്പി കരഞ്ഞു.
രാഹുലും ഡയസും ഒന്നിച്ചാണ് കോളജില് നിന്ന് ബുധനാഴ്ച യാത്ര പോയത്. ബുധനാഴ്ച വട്ടിയൂര്ക്കാവ് മൂന്നാമൂട് മേലേക്കടവിനു സമീപത്തായി കരമനയാറ്റില് കുളിക്കാനായിരുന്നു ഇരുവരും ചേര്ന്നുള്ള യാത്ര. എന്നാല് അത് വന് ദുരന്തത്തിലേക്ക് വഴിമാറുമെന്ന് അവര് സ്പ്നത്തില് പോലും കരുതിയില്ല. ബുധനാഴ്ച കോളജില് സമരമായതിനാല് ആറു സുഹൃത്തുക്കള്ക്കൊപ്പം കുളിക്കാന് പോയപ്പോള് കാല് വഴുതി ആറ്റില് വീണ് ഇരുവരും അപകടത്തില്പ്പെടുകയായിരുന്നു.
ഇന്നലെ അവസാനമായി സഹപാഠികള്ക്കരികിലേക്ക് ഡയസിന്റെ ജീവനറ്റ ശരീരം എത്തിയപ്പോഴേക്കും അന്ത്യാഞ്ജലികളേറ്റു വാങ്ങി രാഹുലിനെ വഹിച്ചുള്ള ആംബുലന്സ് കോളജ് ക്യാംപസില് നിന്നു പുറപ്പെട്ടു . സഹപാഠികളുടെ കണ്ണീരില് കുതിര്ന്ന അന്ത്യയാത്രാമൊഴിയേറ്റുവാങ്ങി വൈകാതെ ഡയസും പ്രിയപ്പെട്ട ക്യാംപസിനോടു വിടപറഞ്ഞു. പ്രിയ സഹപാഠികള് പഠനം പൂര്ത്തിയാക്കാതെ ക്യാംപസിന്റെ പടിവിട്ടിറങ്ങിയപ്പോള് കൂട്ടുകാര്ക്ക് സഹിക്കാനാവുന്നില്ല.
സിഇടി ആറാം സെമസ്റ്റര് ഇലക്ട്രോണിക്സ് ആന്ഡ് കമ്യൂണിക്കേഷന് എന്ജിനീയറിങ് വിദ്യാര്ത്ഥി കെ.രാഹുല് (21), സിവില് എന്ജിനീയറിങ് വിദ്യാര്ത്ഥി ഡയസ് ജിജി ജേക്കബ് (22) എന്നിവരുടെ മൃതദേഹം തിരുവനന്തപുരം മെഡിക്കല് കോളജ് ആശുപത്രിയില് പോസ്റ്റ്മോര്ട്ടത്തിനു ശേഷമാണ് കോളജ് ക്യാംപസിലേക്കെത്തിച്ചത്. ഉച്ചയ്ക്ക് ഒരു മണിയോടെ രാഹുലിന്റെ ഭൗതികശരീരം പൊതുദര്ശനത്തിനായി കോളജിന്റെ പ്രധാന കെട്ടിടത്തിനു മുന്നിലെത്തി.
പുറത്തു പെയ്യുന്ന മഴ പോലും വകവയ്ക്കാതെ നൂറുകണക്കിനു സഹപാഠികളാണ് വരിവരിയായി അന്ത്യാഞ്ജലിയര്പ്പിക്കാനെത്തിയത്. രണ്ടു മണിയോടെ രാഹുലിന്റെ മൃതദേഹം സ്വദേശമായ കോഴിക്കോട് ബാലുശേരിയിലേക്ക് ആംബുലന്സില് കൊണ്ടുപോകാന് തുടങ്ങിയപ്പോഴേക്കും ഡയസിന്റെ മൃതദേഹം വഹിച്ചുള്ള ആംബുലന്സ് കോളജ് ക്യാംപസിനുള്ളിലെത്തി.
രാഹുലിന്റെ സംസ്കാരം ഇന്ന് രാവിലെ 8.30 ന് ബാലുശേരി വട്ടോളി ഓണിപ്പറമ്പില് വീട്ടില് നടക്കും. ഡയസിന്റെ മൃതദേഹം മൂവാറ്റുപുഴ ആവോലി തോട്ടുപുറത്തു വീട്ടില് ശുശ്രൂഷയ്ക്കു ശേഷം ഉച്ചയ്ക്ക് രണ്ടിന് വാഴക്കുളം സെന്റ് ഫൊറോന ചര്ച്ച് സെമിത്തേരിയില് സംസ്കരിക്കും.
https://www.facebook.com/Malayalivartha
