സ്‌കൂള്‍ ബസില്‍ നിന്ന് ഇറക്കി വിട്ട അഞ്ചു വയസ്സുകാരനെ തെരുവുനായ കടിച്ചു.    വെള്ളൂര്‍ സ്വദേശി നസിമുദ്ദീന്റെയും സബീനാബീവിയുടേയും മകന്‍ നിബാസിനെയാണ് നായ ഓടിച്ചിട്ട് കടിച്ചത്. രക്ഷകര്‍ത്താവ് എത്തുന്നതിന് മുന്‍പ് സ്‌കൂള്‍ ബസില്‍ നിന്ന് ഇറക്കി വിട്ടു.

പോത്തന്‍കോട് ഗവ.യു പി സ്‌കൂളിലെ അഞ്ചാം ക്ലാസ് വിദ്യാര്‍ത്ഥിയാണ്. തുടയില്‍ ആഴത്തില്‍ മുറിവേറ്റ നിബാസിനെ ജനറല്‍ ആശുപത്രിയില്‍ പ്രവേശിപ്പിച്ചിരിക്കുകയാണ്. ഇന്നലെ വൈകിട്ട് 4.30ഓടെയായിരുന്നു സംഭവം നടന്നത്.

മംഗലപുരം കാരമൂട് സിആര്‍പിഎഫ് റോഡില്‍ ടെക്നോസിറ്റിക്കു പിന്നിലുള്ള സ്ഥലത്താണ് കുട്ടിയെ ഇറക്കിയത്. അറവുമാലിന്യങ്ങള്‍ അടക്കം വലിച്ചെറിയുന്നതിനാല്‍ ഇവിടെ തെരുവ് നായ്ക്കളുടെ സ്ഥിരം താവളമാണ്.

വിജനമായ പ്രദേശമാണിത്. രക്ഷിതാക്കള്‍ എത്തുന്നതിന് മുന്‍പ് കുട്ടിയെ ഇറക്കിവിട്ട ശേഷം ബസ് വിട്ടു പോവുകയായിരുന്നു. ഇതോടെയാണ് നായ്ക്കൂട്ടത്തില്‍ നിന്നും ഒരു നായ കുട്ടിയെ ആക്രമിച്ചത്. രക്ഷിതാക്കള്‍ ഉടന്‍ തന്നെ സ്ഥലത്ത് എത്തിയതോടെയാണ് കൂടുതല്‍ ആക്രമണത്തില്‍ നിന്ന് കുട്ടി രക്ഷപെട്ടത്.