കാട്ടാനയുടെ ആക്രമണം.... പ്രഭാതസവാരിക്കിടെ കാട്ടാനയുടെ ചവിട്ടേറ്റ് ഗൃഹനാഥന് മരിച്ച സംഭവത്തില് നാട്ടുകരുടെ പ്രതിഷേധം....
കാട്ടാനയുടെ ആക്രമണം.... പ്രഭാതസവാരിക്കിടെ കാട്ടാനയുടെ ചവിട്ടേറ്റ് ഗൃഹനാഥന് മരിച്ച സംഭവത്തില് നാട്ടുകരുടെ പ്രതിഷേധം. വനം വകുപ്പ് ഉദ്യോഗസ്ഥര്ക്കെതിരെ നടപടി വേണമെന്ന് ആവശ്യപ്പെട്ടാണ് പ്രതിഷേധം. പാലക്കാട് ഡിഎഫ്ഒ ഓഫീസിനു മുന്നിലാണ് നാട്ടുകാരുടെ പ്രതിഷേധം.
രാവിലെ ഗൃഹനാഥന് മരിച്ച സംഭവത്തില് വനം വകുപ്പ് ഉദ്യോഗസ്ഥരെ അറിയിച്ചപ്പോള് എന്തിനാണ് രാവിലെ ഇത്ര നേരത്തെ നടക്കാനിറങ്ങിയത് എന്നായിരുന്നു ഉദ്യോഗസ്ഥരുടെ മറുപടി. ഇതോടെ നാട്ടുകാര് പ്രതിഷേധവുമായി രംഗത്തിറങ്ങി.
സിപിഎമ്മിന്റെ നേതൃത്വത്തില് നാട്ടുകാര് ഡിഎഫ്ഒ ഓഫീസിനു മുന്നില് കുത്തിയിരുന്ന് പ്രതിഷേധിക്കുകയാണ്. ഉദ്യോഗസ്ഥര്ക്കെതിരെ നടപടി സ്വീകരിക്കാതെ ഇവരെ പുറത്തുവിടില്ലെന്നാണ് നാട്ടുകാരുടെ തീരുമാനം. ബിജെപി പ്രവര്ത്തകരും ഡിഎഫ്ഒ ഓഫീസിലേക്ക് പ്രതിഷേധ മാര്ച്ച് സംഘടിപ്പിച്ചു. ഇവര് പിന്നീട് ധോണി-ഒലവക്കോട് റോഡില് കുത്തിയിരുന്നു പ്രതിഷേധിച്ചതിനെ തുടര്ന്ന് പോലീസ് ഇവരെ അറസ്റ്റു ചെയ്തു നീക്കി.
പ്രതിഷേധം കടുത്തതോടെ സ്ഥലം എംഎല്എ, ആര്ഡിഒ, ഡിഎഫ്ഒ എന്നിവര് സ്ഥലത്തെത്തി നാട്ടുകാരുമായി ചര്ച്ച നടത്തി. ധോണി സ്വദേശി ശിവരാമനാണ് ഇന്ന് രാവിലെ കാട്ടാനയുടെ ചവിട്ടേറ്റ് മരിച്ചത്.
"
https://www.facebook.com/Malayalivartha
