ഗവര്‍ണര്‍ക്കെതിരെ നിലകൊണ്ട പലരും ശാന്തമാകുന്ന കാഴ്ചയാണ് കാണാന്‍ കഴിഞ്ഞത്. ഗവര്‍ണര്‍ക്കെതിരെ കോടതിയില്‍ പോകുമെന്ന് പറഞ്ഞ കണ്ണൂര്‍ വിസിയെ കാണാനില്ല. മാത്രമല്ല കണ്ണൂര്‍ വിസി പാര്‍ട്ടി പ്രിതിനിധിയെ പോലെയാണെന്ന് ഗവര്‍ണര്‍ തുറന്നടിക്കുകയും ചെയ്തു. എന്നിട്ടും അനക്കമില്ല.

അതിനിടെ കേരള വിസിക്കെതിരെ നടപടിക്ക് ഗവര്‍ണര്‍. സെനറ്റില്‍ പ്രമേയം പാസാക്കിയ സംഭവത്തില്‍ വിശദീകരണം തേടിയേക്കും. പ്രമേയം പാസാക്കിയത് നല്ല കാര്യമെന്നാണ് ഗവര്‍ണര്‍ പരിഹസിച്ചത്. പ്രത്യേക സെനറ്റ് യോഗത്തില്‍ അജണ്ടയ്ക്ക് പുറത്ത് പ്രമേയം കൊണ്ട് വന്നത് ചട്ട വിരുദ്ധമാണെന്നാണ് രാജ് ഭവന്‍ വിലയിരുത്തല്‍.

സെനറ്റില്‍ ചാന്‍സലര്‍ നോമിനേറ്റ് ചെയ്ത അംഗങ്ങളെ പിന്‍വലിക്കാനും സാധ്യത ഉണ്ട്. 2010 ഇല്‍ ഗവര്‍ണര്‍ക്ക് എതിരെ സെനറ്റിലെ സിപിഎം അംഗങ്ങള്‍ പ്രമേയത്തിന് ശ്രമിച്ചെങ്കില്‍ അന്നത്തെ വിസി ഡോ. ജയകൃഷ്ണന്‍ എതിര്‍ക്കുകയായിരുന്നു. ഗവര്‍ണറുടെ നടപടി ഏകപക്ഷീയവും നിയമ വിരുദ്ധവുമാണെന്നും കമ്മിറ്റിയെ പിന്‍വലിക്കണമെന്നുമാണ് കേരള സര്‍വകലാശാല പ്രമേയത്തില്‍ ആവശ്യപ്പെടുന്നത്.

വിസിയെ തെരഞ്ഞെടുക്കാന്‍ ഗവര്‍ണര്‍ ധൃതിപിടിച്ച് സെര്‍ച്ച് കമ്മിറ്റിയുണ്ടാക്കിയെന്നാണ് സെനറ്റിലെ വിമര്‍ശനം. കമ്മറ്റി റദ്ദാക്കണമെന്ന് ചാന്‍സിലറോട് ആവശ്യപ്പെട്ടുള്ള പ്രമേയമാണ് പാസാക്കിയത്. സിപിഎം അംഗം ബാബുജാനാണ് ഗവര്‍ണര്‍ക്കെതിരായ പ്രമേയം അവതരിപ്പിച്ചത്. സര്‍വകലാശാല ചട്ടം 101 പ്രകാരം സെര്‍ച്ച് കമ്മിറ്റി നിയോഗിച്ച വിധം നിയമ വിരുദ്ധമാണെന്നാണ് കുറ്റപ്പെടുത്തല്‍. യോഗത്തില്‍ മൗനം പാലിച്ച വി സി വിപി മഹാദേവന്‍ പിള്ളയുടെ പിന്തുണയോടെയാണ് പ്രമേയം അവതരിപ്പച്ചത്.

യുഡിഎഫ് പ്രതിനിധികള്‍ പ്രമേയത്തെ അനുകൂലിച്ചില്ല. ഗവര്‍ണര്‍ രൂപീകരിച്ച സെര്‍ച്ച് കമ്മിറ്റിയില്‍ സര്‍വകലാശാല പ്രതിനിധിയെ നിയോഗിക്കണമെന്നാണ് യുഡിഎഫ് ആവശ്യപ്പെട്ടത്. അതേസമയം ഗവര്‍ണ്ണര്‍ സര്‍ക്കാര്‍ പോരിനിടെ നിയമസഭാ സമ്മേളനം നാളെ ആരംഭിക്കും. ഗവര്‍ണ്ണറുടെയും ലോകായുക്തയുടെയും അധികാരം വെട്ടിക്കുറക്കാനുള്ള ബില്ലുകള്‍ സഭാ സമ്മേളനത്തില്‍ വരും. ബില്ലുകളെ ശക്തമായി എതിര്‍ക്കുന്ന പ്രതിപക്ഷം, സ്വര്‍ണ്ണക്കടത്ത് അടക്കമുള്ള മറ്റ് വിവാദ വിഷയങ്ങളിലും സര്‍ക്കാറിനെ നേരിടും.

അതേസമയം വിസി നിയമനത്തിനുള്ള സേര്‍ച്ച് കമ്മിറ്റി രൂപീകരിച്ചതിനെതിരെ പ്രമേയം പാസാക്കിയത് നല്ല കാര്യമെന്ന് പരിഹസിച്ച് ഗവര്‍ണര്‍. കേരള സര്‍വകലാശാലയ്ക്ക് പ്രമേയം പാസാക്കാനുള്ള അവകാശമുണ്ട്. വിമര്‍ശനങ്ങളെ സ്വാഗതം ചെയ്യുന്നുവെന്ന് ഗവര്‍ണര്‍ ആരിഫ് മുഹമ്മദ് ഖാന്‍ പ്രതികരിച്ചു. സര്‍വകലാശാല പ്രതിനിധിയെ ഉള്‍പ്പെടുത്തിയില്ല എന്നതുകൊണ്ട് നടപടികള്‍ നിര്‍ത്തിവയ്ക്കാന്‍ ആകില്ല.

സ്‌പെഷ്യല്‍ സെനറ്റ് യോഗത്തില്‍ ചര്‍ച്ച ചെയ്യേണ്ട വിഷയങ്ങളുടെ അജണ്ട വിസിയും സിണ്ടിക്കേറ്റും നേരത്തെ തയ്യാറാക്കണമെന്നാണ് ചട്ടം 13 പറയുന്നത്. അതേസമയം, സെപ്ഷ്യല്‍ സെനറ്റ് യോഗത്തില്‍ അംഗം നേരിട്ട് പ്രമേയം അവതരിപ്പിക്കുന്നത് ചട്ടവിരുദ്ധമാണെന്നാണ് രാജ്ഭവന്‍ വിലയിരുത്തല്‍. ദില്ലയില്‍ നിന്നും ഗവര്‍ണ്ണര്‍ തിരിച്ചെത്തിയാല്‍ നടപടിക്ക് സാധ്യതയുണ്ട്. കേരള സര്‍വവ്വകലാശാലയില്‍ സെര്‍ച്ച് കമ്മിറ്റി രൂപീകരണം ചട്ടപ്രകാരമാണെന്നും ആരിഫ് മുഹമ്മദ് ഖാന്‍ വിശദീകരിച്ചു.

സര്‍വകലാശാല ഇനി സെര്‍ച്ച് കമ്മിറ്റിയിലേക്ക് പ്രതിനിധിയെ നല്‍കില്ലെന്ന് ഉറപ്പായി. ബാക്കിയുള്ള രണ്ട് പേരെ വെച്ച് വിസി നിയമനവുമായി ഗവര്‍ണ്ണര്‍ മുന്നോട്ട് പോകാനാണ് സാധ്യത. ഒക്ടോബറിലാണ് വിസിയുടെ കാലാവധി തീരുന്നത്.