നാണംകെട്ട് വീണ്ടും... ഗാന്ധിചിത്രത്തെ തകര്ത്ത രാഹുല് ഗാന്ധിയുടെ ശിഷ്യരെ പോലീസ് പൊക്കിയതിന് പിന്നാലെ ഗുരുവായൂരില് മറ്റൊരു പ്രശ്നം; ഗുരുവായൂര് കോണ്ഗ്രസില് വീണ്ടും പോര്; രാഹുല് ഗാന്ധി നയിക്കുന്ന ഭാരത് ജോഡോ യാത്ര വിജയിപ്പിക്കാന് കൂടിയ യോഗം അലങ്കോലമായി
രാഹുല് ഗാന്ധിയുടെ ശിഷ്യര് തന്നെ ഗാന്ധി ചിത്രത്തെ തകര്ത്തെന്ന വാര്ത്തയാണ് കഴിഞ്ഞ ദിവസം കേട്ടത്. രാഹുല് ഗാന്ധിയുടെ ഓഫിസിലെ മഹാത്മാഗാന്ധിയുടെ ചിത്രം തകര്ത്ത കേസില് 4 കോണ്ഗ്രസ് പ്രവര്ത്തകരെ പൊലീസ് അറസ്റ്റ് ചെയ്തു. രാഹുലിന്റെ പിഎ കെ.ആര്.രതീഷ്കുമാര് (40), ഓഫിസ് ജീവനക്കാരന് എസ്.ആര്.രാഹുല് (41), എന്ജിഒ അസോസിയേഷന് വയനാട് ജില്ലാ സെക്രട്ടറി കെ.എ.മുജീബ് (44), കോണ്ഗ്രസ് പ്രവര്ത്തകന് വി.നൗഷാദ് (43) എന്നിവരാണ് അറസ്റ്റിലായത്. ഇവരെ ജാമ്യത്തില് വിട്ടു. ഇവര്ക്കൊപ്പം ചോദ്യംചെയ്യലിന് ഹാജരായ മറ്റൊരു ഓഫിസ് ജീവനക്കാരനെ സാക്ഷിയാക്കി.
കാര്യങ്ങള് ഇങ്ങനെ പുരോഗമിക്കവെ രാഹുല് ഗാന്ധി നായിക്കുന്ന ഭാരത് ജോഡോ യാത്ര വിജയിപ്പിക്കുന്നതിന് വേണ്ടി സംഘടിപ്പിച്ച സംയുക്ത കണ്വെന്ഷനില് നാടകീയ രംഗങ്ങള്. ഗുരുവായൂര് കോണ്ഗ്രസിലാണ് വീണ്ടും തര്ക്കമുണ്ടായത്. ടി എന് പ്രതാപന് എംപി പ്രസംഗിച്ചു കൊണ്ടിരിക്കെ ഒരു വിഭാഗം പ്രവര്ത്തകര് മുദ്രാവാക്യം വിളികളുമായി യോഗ ഹാളിലേക്കെത്തിയതാണ് തര്ക്കത്തിന് കാരണമായത്.
കോണ്ഗ്രസ് വടക്കേക്കാട്, ഗുരുവായൂര് ബ്ലോക്ക് കമ്മിറ്റികള് രാഹുല് ഗാന്ധി നായിക്കുന്ന ഭാരത് ജോഡോ യാത്ര വിജയിപ്പിക്കുന്നതിന് വേണ്ടി സംഘടിപ്പിച്ച സംയുക്ത കണ്വെന്ഷനിലായിരുന്നു നാടകീയ രംഗങ്ങള് അരങ്ങേറിയത്. മേഖല പ്രസിഡന്റുമാരെ തെരഞ്ഞെടുത്തതില് നേതൃത്വം നീതിപൂര്വമായ സമീപനം കൈകൊണ്ടില്ലെന്ന് ആരോപിച്ചായിരുന്നു പ്രതിഷേധം. തുടര്ന്ന് യോഗത്തിനെത്തിയവരും പ്രതിഷേധക്കാരും തമ്മില് വാക്കുതര്ക്കമുണ്ടായി. പുന്നയൂര്ക്കുളം, അണ്ടത്തോട് മേഖലകളില് നിന്നുള്ള നേതാക്കളാണ് പ്രതിഷേധവുമായെത്തിയത്.
വാക്കേറ്റം തുടര്ന്നതോടെ കണ്വെന്ഷന് അവസാനിപ്പിക്കുന്നതായി നേതാക്കള് അറിയിച്ചു. ടി എന് പ്രതാപന് എംപിയെ കൂടാതെ ഡി സി സി പ്രസിഡന്റ് ജോസ് വള്ളൂരും വേദിയിലുണ്ടായിരുന്നു. കെപിസിസി, ഡിസിസി നേതാക്കള്, നിയോജകമണ്ഡലത്തിലെ രണ്ടുബ്ലോക്കുകളായ ഗുരുവായൂര്, വടക്കേക്കാട് ബ്ലോക്കുകളുടെ ഭാരവാഹികള്, എക്സിക്യൂട്ടീവ് അംഗങ്ങള്, മണ്ഡലം പ്രസിഡന്റുമാര്, ഭാരവാഹികള്, ബൂത്ത് പ്രസിഡന്റുമാര്, പോഷക സംഘടനകളുടെ സംസ്ഥാന ജില്ല ബ്ലോക്ക് ഭാരവാഹികള്, കോണ്ഗ്രസ് ജനപ്രതിനിധികള്, യൂത്ത് കോണ്ഗ്രസ്, കര്ഷക കോണ്ഗ്രസ്, സേവാദള്, ന്യൂനപക്ഷ, ഐഎന്ടിയുസി, മഹിളാ കോണ്ഗ്രസ്, പ്രവാസി കോണ്ഗ്രസ് തുടങ്ങിയ പോഷകസംഘടനകളുടെ നേതാക്കളെയും ഭാരവാഹികളെയുമാണ് യോഗത്തിന് ക്ഷണിച്ചിരുന്നത്.
അതേസമയം വയനാട് ഗാന്ധിചിത്രം തകര്ത്ത സംഭവത്തില് കോണ്ഗ്രസുകാര് പ്രതിരോധത്തിലായി. ഇന്നലെ പ്രതിപക്ഷ നേതാവ് വയനാട് എത്തിയെങ്കിലും കാര്യമായ ചലനമുണ്ടാക്കിയില്ല. ജൂണ് 24നു രാഹുലിന്റെ ഓഫിസില് അതിക്രമം കാട്ടിയ എസ്എഫ്ഐ പ്രവര്ത്തകര് അവിടെയുണ്ടായിരുന്ന ഗാന്ധിജിയുടെ ചിത്രവും തകര്ത്തെന്നായിരുന്നു ആരോപണം. എന്നാല് സാഹചര്യത്തെളിവുകള്, സാക്ഷിമൊഴികള്, സിസിടിവിമൊബൈല് ഫോണ് ദൃശ്യങ്ങള് എന്നിവ പരിശോധിച്ചാണ് അറസ്റ്റ് എന്നു ഡിവൈഎസ്പി ടി.പി.ജേക്കബ് പറഞ്ഞു.
എസ്എഫ്ഐക്കാര് തിരിച്ചുപോയശേഷം ഓഫിസിലെത്തിയ പൊലീസ് ഫൊട്ടോഗ്രഫര് എടുത്ത ഫോട്ടോകളിലും അതിനുശേഷം 3.59ന് എടുത്ത മറ്റൊരു ഫോട്ടോയിലും ഗാന്ധിജിയുടെ ചിത്രം ചുവരിലുണ്ട്. എസ്എഫ്ഐക്കാരെ അറസ്റ്റ് ചെയ്തുനീക്കിയ ശേഷം 4.30നു പൊലീസ് ഫൊട്ടോഗ്രഫര് വീണ്ടും ഓഫിസിലെത്തിയപ്പോള് ഗാന്ധിജിയുടെ ചിത്രം നിലത്തുവീണു കിടക്കുകയായിരുന്നു. ആ സമയം കോണ്ഗ്രസ്, യുഡിഎഫ് പ്രവര്ത്തകര് മാത്രമാണുണ്ടായിരുന്നത്. അതാണ് കോണ്ഗ്രസിന് വിനയായത്.
https://www.facebook.com/Malayalivartha
