"മസാജ് കേന്ദ്രത്തില് എത്തുന്നവർക്ക് ആവശ്യമെങ്കിൽ മയക്കുമരുന്ന് എത്തിച്ചുകൊടുക്കും!! കൂടാതെ അനാശാസ്യപ്രവര്ത്തനങ്ങളും" സമീപത്തെ വ്യാപാരസ്ഥാപനത്തിലുള്ളവര് പാര്ക്കിങ്ങിനെച്ചൊല്ലി നിരന്തരം തര്ക്കവും,തൃശ്ശൂര് നഗരമധ്യത്തിലെ മസാജ് കേന്ദ്രത്തില് എക്സൈസിന് രഹസ്യ വിവരം പിന്നാലെ അറസ്റ്റ്!!
തൃശ്ശൂര് നഗരമധ്യത്തിലെ മസാജ് കേന്ദ്രത്തില് എക്സൈസ് പരിശോധനയില് മയക്കുമരുന്ന് പിടികൂടി. കഞ്ചാവും എം.ഡി.എം.എ.യുമാണ് എക്സൈസ് പരിശോധനയില് കണ്ടെത്തിയത്. സ്ഥാപനത്തില് വരുന്ന ആളുകള്ക്ക് മയക്കുമരുന്ന് എത്തിച്ചുകൊടുക്കുന്നതായും അനാശാസ്യപ്രവര്ത്തനങ്ങള് നടക്കുന്നതായും സമീപത്തെ വ്യാരികളില് നിന്നും പരാതിയുണ്ടായിരുന്നു. ഇവിടേക്ക് വരുന്നവരുമായി സമീപത്തെ വ്യാപാരസ്ഥാപനത്തിലുള്ളവര് പാര്ക്കിങ്ങിനെച്ചൊല്ലി നിരന്തരം തര്ക്കമുണ്ടാവാറുണ്ട്.
കഴിഞ്ഞ ദിവസവും ഇങ്ങനെ തര്ക്കമുണ്ടാവുകയും പിന്നാലെ എക്സൈസിന് മജാസ് സെന്ററില് മയക്കുമരുന്ന് ഇടപാടുണ്ടെന്ന് രഹസ്യവിവരം ലഭിക്കുകയുമായിരുന്നു.സംഭവത്തില് മസാജ് പാര്ലര് നടത്തിപ്പുകാരായ പുരുഷനും സ്ത്രീയും അറസ്റ്റില്. മസാജ് കേന്ദ്രത്തിന് താഴെ പാര്ക്കിംഗിനെ ചൊല്ലിയുണ്ടായ തര്ക്കത്തിന് പിന്നാലെ എക്സൈസിന് ലഭിച്ച ഒരു ഫോണ്കോളിനെ തുടര്ന്നാണ് ഇവിടെ പരിശോധന നടത്തിയത്.
നഗരത്തിലെ ശങ്കരയ്യ റോഡിലുള്ള ഡ്രീംസ് യൂണിസെക്സ് ബ്യൂട്ടി സലൂണ് എന്ന പേരിലുള്ള മസാജ് കേന്ദ്രത്തില്നിന്നാണ് 150 ഗ്രാം കഞ്ചാവും എം.ഡി.എം.എ.യും പിടികൂടിയത്. മയക്കുമരുന്ന് കൈവശം വട്ടതിന് മസാജ് കേന്ദ്രത്തിന്റെ നടത്തിപ്പുകാരായ പട്ടാമ്പി സ്വദേശി മാര്ക്ക്ശേരി അഭിലാഷ്, മൈലിപ്പാടം സ്വദേശിനി അന്തിക്കാടന് വീട്ടില് ആസീന (35) എന്നിവരെ എക്സൈസ് കസ്റ്റഡിയിലെടുത്തിട്ടുണ്ട്. തൃശ്ശൂര് എക്സൈസ് റേഞ്ച് ഓഫീസിലെ ഇന്സ്പെക്ടര് അബ്ദുള് അഷ്റഫും സംഘവും ചേര്ന്നാണ് പരിസോധന നടത്തിയത്.
https://www.facebook.com/Malayalivartha
