ഇടുക്കിയിലെ ഭൂപ്രശ്‌നങ്ങളും ബഫര്‍സോണ്‍ വിഷയവും ഉന്നയിച്ച് തലസ്ഥാനത്തും സമരം നടത്താന്‍ തീരുമാനം... കേരളപ്പിറവി ദിനത്തില്‍ തിരുവനന്തപുരം സ്തംഭിപ്പിക്കുമെന്ന് പ്രഖ്യാപനം, അതിജീവന പോരാട്ടവേദിയും വ്യാപാരി വ്യവസായി ഏകോപന സമിതിയും ഉള്‍പ്പെടുന്ന ഇടുക്കി ലാന്റ് ഫ്രീഡം മൂവ്‌മെന്റാണ് സമരം നടത്തുക
ഇടുക്കിയിലെ ഭൂപ്രശ്‌നങ്ങളും ബഫര്‍സോണ്‍ വിഷയവും ഉന്നയിച്ച് തലസ്ഥാനത്തും സമരം നടത്താന്‍ തീരുമാനം... കേരളപ്പിറവി ദിനത്തില്‍ തിരുവനന്തപുരം സ്തംഭിപ്പിക്കുമെന്ന് പ്രഖ്യാപനം, അതിജീവന പോരാട്ടവേദിയും വ്യാപാരി വ്യവസായി ഏകോപന സമിതിയും ഉള്‍പ്പെടുന്ന ഇടുക്കി ലാന്റ് ഫ്രീഡം മൂവ്‌മെന്റാണ് സമരം നടത്തുക.
ഇടുക്കിയിലെ ജന ജീവിതത്തെ ഗുരുതരമായി ബാധിച്ചിരിക്കുന്ന നിര്‍മാണ നിരോധനം, ബഫര്‍ സോണ്‍, പട്ടയ പ്രശ്‌നങ്ങള്‍, മരം മുറിക്കല്‍ നിരോധനം അടക്കമുള്ള വിഷയങ്ങളില്‍ ശാശ്വത പരിഹാരം വേണമെന്നാവശ്യപ്പെട്ടാണ് സമരം ശക്തമാക്കുക.
1964 ലെ ഭൂമി പതിവ് ചട്ടം ഭേദഗതി ചെയ്യുന്നതിനുള്ള നടപടികള്‍ വേഗത്തില്‍ ആക്കണമെന്നും ആവശ്യമുണ്ട്. ഈ വിഷയങ്ങളില്‍ സമര രംഗത്ത് ഉണ്ടായിരുന്ന ഇരുപതില്‍ അധികം സംഘടനള്‍ ചേര്‍ന്നാണ് ഇടുക്കി ലാന്റ് ഫ്രീഡം മൂവ്‌മെന്റിനും രൂപം നല്‍കിയത്.
കേരളപ്പിറവി ദിനത്തില്‍ 1000 വാഹനങ്ങളില്‍ സമരക്കാര്‍ തിരുവനന്തപുരം നഗരത്തിലെത്തും. മറ്റ് ജില്ലകളില്‍ നിന്നുളള്ള കര്‍ഷകരെ കൂടി സമരത്തിന് എത്തിക്കാനുള്ള നീക്കവും നടത്തുന്നുണ്ട്. സമരത്തിന് മുന്നോടിയായി പഞ്ചായത്ത് തല സമതികള്‍ അടുത്ത മാസം രൂപീകരിക്കും.
ബഫര്‍സോണ്‍ വിഷയത്തില്‍ സുപ്രീം കോടതിയിലെ കേസില്‍ കക്ഷി സംഘടന തീരുമാനിച്ചു. ഇതിനിടെ 31 ന് ജില്ലയില്‍ നിന്നുള്ള കര്‍ഷക സംഘടനാ പ്രതിനിധികള്‍ മുഖ്യമന്ത്രിയുമായി കൂടി കാഴ്ച നടത്തും.
"
https://www.facebook.com/Malayalivartha
