അക്രമാസക്തമായ പ്രവർത്തികൾകൊണ്ട് കേന്ദ്രം നിരോധിച്ച മത തീവ്രവാദ സംഘടനയായ പോപ്പുലർ ഫ്രണ്ടിനെ വിടാതെ പിന്തുടർന്ന് എൻഐഎ. പോപ്പുലർ ഫ്രണ്ടിന്റെ കേസുകളുമായി ബന്ധപ്പെട്ട് മലപ്പുറം ജില്ലയിൽ മൂന്ന് സ്ഥലങ്ങളിൽ എൻ ഐ എ റെയ്ഡ് നടത്തി. മാത്രമല്ല നിരോധിക്കപ്പെട്ട പോപ്പുലർ ഫ്രണ്ടിന്‍റെ പെരുമ്പടപ്പ് ഡിവിഷൻ സെക്രട്ടറിയായിരുന്നമുഹമ്മദ്‌ അസ്ലമിന്‍റെ വീട്ടിലായിരുന്നു മുഖ്യമായും പരിശോധന നടത്തിയത്.

അതേസമയം ഇയാളുടെ വീട്ടിലും തറവാട് വീട്ടിലും ട്രാവൽസിലുമായി മൂന്നിടങ്ങളിൽ ഒരേ സമയം എൻ ഐ എ റെയ്ഡ് നടത്തുകയായിരുന്നതായി റിപ്പോർട്ട്. പരിശോധനയിൽ മുഹമ്മദ്‌ അസ്ലമിന്‍റെ വീട്ടിൽ നിന്നും ട്രാവൽസിൽ നിന്നുമായി ഡിജിറ്റൽ ഉപകരണങ്ങൾ, രേഖകൾ തുടങ്ങിയവ പിടിച്ചെടുത്തെന്ന് എൻ ഐ എ അറിയിച്ചു.

നിലവിൽ ഇത് സംബന്ധിച്ച കൂടുതൽ വിവരങ്ങൾ പുറത്ത് വിടാൻ എൻ ഐ എ തയ്യാറായിട്ടില്ലെന്ന് പുറത്ത് വരുന്ന വിവരം. അതേസമയം ഹർത്താൽ അക്രമങ്ങളുമായി ബന്ധപ്പെട്ട് ഹൈക്കോടതി സ്വമേധയാ എടുത്ത കേസ് ചൊവ്വാഴ്ച വീണ്ടും പരിഗണിക്കാനിരിക്കുകയാണ്.