കേരള സാങ്കേതിക സർവകലാശാലയിൽ താൽക്കാലിക വിസിയായി ഡോ.സിസ തോമസിനെ നിയമിച്ച ഗവർണറുടെ നടപടി ചോദ്യം ചെയ്ത് സർക്കാർ സമർപ്പിച്ച ഹർജി ഹൈക്കോടതി പരിഗണിച്ചു. കെ ടി യു താത്കാലിക വിസി നിയമനത്തിൽ നിർണായക വിധിയുമായി ഹൈക്കോടതി. കെ ടി യു താത്കാലിക വിസി നിയമനം ഹൈക്കോടതി സ്റ്റേ ചെയ്യുന്നില്ല എന്ന തീരുമാനമാണ് ഇപ്പോൾ എടുത്തിരിക്കുന്നത് .

ഇടക്കാല ഉത്തരവ് വേണമെന്ന സർക്കാർ ആവശ്യം ഹൈക്കോടതി അനുവദിച്ചില്ല. അതും ഹൈക്കോടതി തള്ളിയിരിക്കുകയാണ്. ഈ വിഷയത്തിൽ ഹർജി വെളിയാഴ്ച പരിഗണിക്കാമെന്ന് ഹൈക്കോടതി പറഞ്ഞിരിക്കുകയാണ്. ഹർജിയിൽ യു ജി സിയെ കൂടെ കക്ഷി ചേർക്കാൻ കോടതി നിർദേശിച്ചിരിക്കുകയാണ്. കെ ടി യു താത്കാലിക വിസി നിയമനത്തിൽ ഹൈക്കോടതിയുടെ പുതിയ തീരുമാനം സർക്കാരിന് തിരിച്ചടിയായി മാറിയിരിക്കുകയാണ്.

അതേസമയം കെ ടി യു വിസിക്കെതിരെ വീണ്ടും എസ് എഫ് ഐ സമരം അഴിച്ച് വിട്ടിരിക്കുകയാണ്. ഇന്നും എസ് എഫ് ഐ കെ ടി യു വിസിക്കെതിരെ കരിങ്കൊടി കാണിച്ചു. സർവകലാശാല കവാടത്തിൽ വിസിയെ തടയുകയും ചെയ്തു. ഗവർണർ നടത്തിയ നിയമനം സർവകലാശാല നിയമത്തിന് വിരുദ്ധമാണെന്നും, റദ്ദാക്കണമെന്നും ആവശ്യപ്പെട്ടാണ് ഹർജി.