കഴിഞ്ഞ ദിവസം സാങ്കേതിക വിദ്യാഭ്യാസ സീനിയർ ജോയിന്റ് ഡയറക്ടറായ ഡോ. സിസ തോമസ് താത്കാലിക ചുമതല ഏറ്റെടുക്കാൻ കെടിയുവിൽ എത്തിയപ്പോൾ നിരവധി പ്രശ്‌നങ്ങൾ നേരിട്ടിരുന്നു.

ഇതിനു പിന്നാലെ സാങ്കേതിക സർവകലാശാല താത്കാലിക വൈസ് ചാൻസലറായി ഡോ.സിസ തോമസിനെ നിയമിച്ചതിനെതിരായ സർക്കാരിന്റെ ഹർജി ഹൈക്കോടതി ഇന്ന് പരിഗണിക്കും.

അതേസമയം ഗവർണർ നടത്തിയ നിയമനം സർവകലാശാല നിയമത്തിന് വിരുദ്ധമാണെന്നാണ് സർക്കാരിന്റെ വാദം. തുടർന്ന് നിയമനം റദ്ദാക്കണമെന്ന് ആവശ്യപ്പെട്ടാണ് ഹർജി നൽകിയത്. കൂടാതെ നിയമനത്തിനാധാരമായ രേഖകൾ വിളിച്ചുവരുത്തണമെന്നും ഹർജിയിൽ പറയുന്നു.

ഇതോടൊപ്പം തന്നെ ഗവർണർക്ക് കരുത്തായി മറ്റൊരു കാര്യമാണ് നടന്നിരിക്കുന്നത്. കണ്ണൂർ സർവകലാശാലയിലെ നിയമനക്കേസിൽ മുഖ്യമന്ത്രിയുടെ പ്രൈവറ്റ് സെക്രട്ടറി കെ.കെ. രാഗേഷിന്‍റെ ഭാര്യ പ്രിയ വര്‍ഗ്ഗീസ് ഹൈക്കോടതിയില്‍ നല്‍കിയ സത്യവാങ്മൂലത്തിന് വിരുദ്ധമായി സര്‍വ്വകലാശാല സിന്‍ഡിക്കേറ്റിന്‍റെ രേഖ പുറത്ത് വന്നിരിക്കുകയാണ്. ഇത് ഗവർണർക്ക് കരുത്തും, സർക്കാരിനും വിസിമാർക്കും തിരിച്ചടിയുമായിരിക്കുകയാണ്.