മേയർ ആര്യ രാജേന്ദ്രനെതിരെ ഇന്നും സമരം ശക്തമാകുന്ന കാഴ്ചയാണ് കാണുന്നത്. ഇതിനിടിയിൽ മേയർ കോർപറേഷന് ഉള്ളിൽ എത്തി. അതിനകത്ത് അവർ ചർച്ചകൾ നടത്തുകയാണ്. എന്നാൽ മുറിക്ക് പുറത്ത് പ്രതിഷേധം ശക്തമാക്കിയിരിക്കുകയാണ് സമരക്കാർ. നെഞ്ചത്ത് ചവിട്ടിയെ പുറത്ത് പോകൂ എന്നാക്രോശിച്ച് സമരക്കാർ രംഗത്ത് വന്നൂ. അതിന്റെ ദൃശ്യങ്ങൾ കാണാം.

കത്ത് വിവാദത്തില്‍ തിരുവനന്തപുരം നഗരസഭാ ഓഫീസിന് മുന്നില്‍ കോണ്‍ഗ്രസും പ്രതിഷേധിക്കാനെത്തുകയായിരുന്നു . പ്രവര്‍ത്തകരും നേതാക്കളും ഓഫീസിന് മുന്നില്‍ തടിച്ചു കൂടിയിരിക്കുകയാണ്. മേഖലയില്‍ വലിയ പോലീസ് സന്നാഹവും ക്യാംപ് ചെയ്യുന്നുണ്ട്.മേയര്‍ ആര്യാ രാജേന്ദ്രന്റെയും ഡി. ആര്‍. അനിലിന്റെയും ഓഫീസ് മുറികളുടെ മുന്നില്‍ ബിജെപി് പ്രതിഷേധം നടത്തുകയാണ്‌ .

ഇരുവരുടെയും ഓഫീസിന് മുന്നില്‍ കൊടികെട്ടിയ ബിജെപി കൗണ്‍സിലര്‍മാര്‍ നിലത്ത് കിടന്നും ഇരുന്നുമാണ് പ്രതിഷേധിക്കുന്നത്. സ്ഥലത്ത് വലിയ സംഘര്‍ഷ സാധ്യത നിലനില്‍ക്കുന്നുണ്ട്.സ്ത്രീകള്‍ ഉള്‍പ്പടെയുള്ള ബിജെപി പ്രവര്‍ത്തകരും നഗരസഭയില്‍ സംഘടിച്ചെത്തിയിട്ടുണ്ട്. സ്ഥലത്ത് പോലീസ് ക്യാമ്പ് ചെയ്യുന്നു.