ശശിതരൂരിനെ ചതിച്ചവരെ കുറിച്ച് വെളിപ്പെടുത്തി കെ മുരളീധരൻ എംപി. ശശി തരൂരിനെ പിന്തുണച്ചും വിലക്കിയ നടപടിയെ വിമർശിച്ചുമാണ് കെ മുരളീധരൻ എംപി രംഗത്ത് എത്തിയത്. വിലക്കേർപ്പെടുത്തിയ നടപടിക്ക് പിന്നിൽ ഗൂഢാലോചന ഉണ്ടെന്ന് മുരളീധരൻ ആരോപിച്ചു. എന്നാൽ സംഭവത്തിൽ ഷാഫി പറമ്പിൽ നിരപരാധിയാണെന്നും, തടയിട്ടതിന് പിന്നിൽ മുഖ്യമന്ത്രി സ്ഥാനാർത്ഥി മോഹം ഉള്ളിൽ കൊണ്ട് നടക്കുന്നവരാണെന്നും മുരളീധരൻ മാധ്യമങ്ങളോട് വ്യക്തമാക്കി.

അതേസമയം ഇന്നലെ ഉണ്ടായത് സംഭവിക്കരുതെന്നും, എന്താണ് സംഭവിച്ചതെന്ന് അറിയാനാണ് അന്വേഷണം നടത്തുന്നതെന്നും, സംഭവിച്ചതെന്തെന്ന് എനിക്ക് അറിയാമെന്നും അദ്ദേഹം വ്യക്തമാക്കി. അതിനാൽ തന്നെ അന്വേഷണം വേണമെന്ന അഭിപ്രായമില്ലെന്നും, എഐസിസിക്ക് പരാതി നൽകാമെന്നും അദ്ദേഹം പറഞ്ഞു. എങ്കിലും അന്വേഷണത്തിൽ കാര്യമില്ല, കാരണം എല്ലാവർക്കും അറിയുന്ന കാര്യം അന്വേഷിക്കേണ്ടതില്ലല്ലോയെന്നാണ് അദ്ദേഹം ചോദിച്ചത്. ഭാവിയിൽ ഇത് ആവർത്തിക്കാതിരിക്കാംമെന്നും മുരളീധരൻ പറഞ്ഞു.

അതേസമയം പാർട്ടി അധ്യക്ഷൻ പറഞ്ഞത് ആർക്കും വിലക്കില്ലെന്നാണ്. പാർട്ടിയെ ശക്തിപ്പെടുത്താനാണ് എല്ലാ ശ്രമങ്ങളും ഉണ്ടാകേണ്ടത്. ക്ഷണിച്ച പരിപാടിയിൽ നിന്നും പിൻമാറേണ്ടി വന്നത് ചില സമ്മർദ്ദങ്ങളുടെ ഫലമായിട്ട് തന്നെയാണ്. കാരണം പൊതുവായി ചർച്ച ചെയ്യാൻ താൻ താത്പര്യപ്പെടുന്നില്ലെന്നും അദ്ദേഹം വ്യക്തമാക്കി.

എന്നാൽ ആരേയും തടയാൻ പാടില്ലെന്നും, കോൺഗ്രസിന്റെ ലക്ഷ്യം എന്താണ്? ലോക്സഭ തിരഞ്ഞെടുപ്പിൽ വൻ മുന്നേറ്റം ഉണ്ടാക്കണം, അടുത്ത നിയമസഭ തിരഞ്ഞെടുപ്പിൽ യുഡിഎഫ് തിരിച്ച് വരണം. അതിന് വേണ്ടി നമ്മൾ എല്ലാ സോഴ്സും പ്രയോഗിക്കണം. അതിന് വേണ്ടിയുള്ള സോഴ്സ് കൂടിയാണല്ലോ ശശി തരൂർ. അദ്ദേഹത്തിനെ വിലക്കേണ്ട സാഹചര്യം ഇല്ലെന്നും മുരളീധരൻ കൂട്ടിച്ചേർത്തു.