മിൽമയ്ക്ക് പിന്നാലെ മദർ ഡയറി പാൽ വില ഉയർത്തി. ഇന്ത്യയിലെ പ്രമുഖ പാൽ വിതരണക്കാരാണ് മദർ ഡയറിയാണ് ഇപ്പോൾ പാലിന്റെ വില വർദ്ധിപ്പിച്ചത്. മാത്രമല്ല ഈ വർഷം നാലാം തവണയാണ് കമ്പനി പാൽ വില ഉയർത്തുന്നത് എന്നതും ഏറെ ശ്രദ്ധേയമാണ്.

അതേസമയം ഫുൾ ക്രീം പാലിന്റെ വില ലിറ്ററിന് 1 രൂപയാണ് ഉയർത്തിയത്. ഇതേ തുടർന്ന് ഒരു ലിറ്റർ ഫുൾ ക്രീം പാലിന്റെ വില 62 രൂപയിൽ നിന്ന് 64 രൂപയായി ഉയർന്നിരിക്കുകയാണ്. മാത്രമല്ല ടോക്കൺ പാലിന്റെ വിലയിലും ലിറ്ററിന് രണ്ട് രൂപയുടെ വർദ്ധനവ് ഉണ്ടായതായാണ് റിപ്പോർട്ട്. ഇതേതുടർന്ന് ടോക്കൺ പാൽ വില ലിറ്ററിന് 48 രൂപയിൽ നിന്ന് 50 രൂപയാക്കി. എന്നാൽ ഇത്തവണ 500 മില്ലി ഫുൾ ക്രീം പാലിന്റെ നിരക്കിൽ മാറ്റങ്ങൾ വരുത്തിയിട്ടില്ല.

നിലവിൽ പ്രതിദിനം ഏകദേശം 30 ലക്ഷം ലിറ്റർ പാലാണ് മദർ ഡയറി വിറ്റഴിക്കുന്നതെന്നാണ് റിപ്പോർട്ട്. ഈ സാഹചര്യത്തിൽ വില വർദ്ധനവ് ഉപയോക്താക്കൾക്ക് തിരിച്ചടിയാകാൻ സാധ്യതയുണ്ടെന്നാണ് അറിയുന്നത്. മാത്രമല്ല ക്ഷീരകർഷകരിൽ നിന്നുള്ള അസംസ്കൃത പാലിന്റെ സംഭരണ ചിലവ് വർദ്ധിച്ചതാണ് നിരക്ക് വർദ്ധനയുടെ പ്രധാന കാരണമെന്ന് കമ്പനി വ്യക്തമാക്കി.

ഈ സാഹചര്യത്തിൽ ഉപഭോക്താക്കൾക്ക് ഗുണമേന്മയുള്ള പാൽ ഉറപ്പാക്കുന്നതിനോടൊപ്പം ക്ഷീര വ്യവസായത്തിലെ പ്രതിസന്ധികൾ നീക്കം ചെയ്യാനും കഴിയുമെന്നാണ് കമ്പനിയുടെ വിലയിരുത്തൽ. നിലവിൽ ഉപഭോക്താക്കൾ നൽകുന്ന വിലയുടെ 75 ശതമാനം മുതൽ 80 ശതമാനം വരെയാണ് പാൽ ഉൽപ്പാദകർക്ക് മദർ ഡയറി കൈമാറുന്നത്.