മംഗളൂരു സ്ഫോടനക്കേസ്... ബോംബ് നിര്മാണത്തിനാവശ്യമായ ചില സാമഗ്രികള് എത്തിയത് ആലുവയിലെ വിലാസത്തില്
മംഗലാപുരത്തെ പ്രഷര് കുക്കര് ബോംബ് സ്ഫോടനക്കേസ് പ്രതി മുഹമ്മദ് ഷാരിഖ് സംഭവത്തിന് ഏതാനും ആഴ്ചകള്ക്ക് മുമ്പ് ആലുവയിലെത്തിയതായി കണ്ടെത്തി. സംസ്ഥാന തീവ്രവാദവിരുദ്ധ സ്ക്വാഡ് ഇതു സംബന്ധിച്ച കൂടുതല് വിവരങ്ങള് ശേഖരിക്കാനായി മംഗളൂരുവിലെത്തി.
ഷാരിഖ് വ്യാജ സിം കാര്ഡ് സംഘടിപ്പിച്ചത് കോയമ്പത്തൂരില് നിന്നാണെന്നതടക്കം അന്വേഷണത്തില് വ്യക്തമായിട്ടെന്നുംകര്ണാടക പൊലീസ് എ ഡി ജി പി അലോക് കുമാര് അറിയിച്ചു. മംഗളൂരുവിലെ കെട്ടിടങ്ങളില് താലിബാനെയും ലഷ്കര് ഇതൊയിബയെയും പിന്തുണച്ചുള്ള ചുമരെഴുത്ത് നടത്തിയതിന്റെ പേരില് ഷാരിഖിനെ 2020ല് മംഗളൂരു പോലീസ് അറസ്റ്റ് ചെയ്തിരുന്നു.
മംഗളൂരു സ്ഫോടനക്കേസില് കര്ണാടക പോലീസിന്റെ അന്വേഷണം കേരളത്തിലേക്കും തമിഴ്നാട്ടിലേക്കും വ്യാപിപ്പിച്ചു. പ്രതിയായ മുഹമ്മദ് ഷാരിഖ് ഇരുസംസ്ഥാനങ്ങളിലും എത്തിയിരുന്നതായി കണ്ടെത്തിയതോടെയാണ് അന്വേഷണം വ്യാപിപ്പിക്കുന്നത്.
ബോംബ് നിര്മാണത്തിനാവശ്യമായ ചില സാമഗ്രികള് ഓണ്ലൈന് വഴിയാണ് ഷാരിഖ് വാങ്ങിയതെന്ന് കര്ണാടക പോലീസിന്റെ അന്വേഷണത്തില് കണ്ടെത്തിയിരുന്നു. ആലുവയിലെ വിലാസത്തിലാണ് ഈ സമാഗ്രികള് എത്തിയത്.
അതേസമയം മംഗ്ലൂരു സ്ഫോടന കേസില് പിടിയിലായ ഷാരിഖിന് അന്താരാഷ്ട്ര ഭീകര സംഘടനയായ ഇസ്ലാമിക് സ്റ്റേറ്റുമായി ബന്ധമുണ്ടെന്ന് കര്ണാടക പൊലീസ് കണ്ടെത്തിയിട്ടുണ്ട്. ശനിയാഴ്ചയാണ് മംഗളൂരുവില് ഓട്ടോറിക്ഷയില് സ്ഫോടനമുണ്ടായത്. സ്ഫോടനം ഉണ്ടായ ഓട്ടോറിക്ഷയില് നിന്ന് കത്തിക്കരിഞ്ഞ പ്രഷര് കുക്കറും ബാറ്ററികളും കണ്ടെത്തിയിരിന്നു.
https://www.facebook.com/Malayalivartha
