കലാമണ്ഡലം സര്വകലാശാലാ ചാന്സലര് പദവിയില് നിന്ന് നീക്കിയ നടപടി നിയമപരമല്ലെന്ന് ചൂണ്ടിക്കാട്ടി സര്ക്കാരുമായി പുതിയ പോരിനൊരുങ്ങി ഗവര്ണര്
കലാമണ്ഡലം സര്വകലാശാലാ ചാന്സലര് പദവിയില് നിന്ന് നീക്കിയ നടപടി നിയമപരമല്ലെന്ന് ചൂണ്ടിക്കാട്ടി സര്ക്കാരുമായി പുതിയ പോരിനൊരുങ്ങി ഗവര്ണര്.
സാംസ്കാരിക വകുപ്പിന്റെ എക്സിക്യുട്ടീവ് ഉത്തരവിലൂടെ ഗവര്ണറെ ചാന്സലര് പദവിയില് നിന്ന് നീക്കാനാവില്ലെന്നും അതിനുള്ള നിയമപരമായ നടപടികള് സര്ക്കാര് പാലിച്ചില്ലെന്നുമാണ് ഗവര്ണര്ക്ക് ലഭിച്ച നിയമോപദേശം.
കഴിഞ്ഞ 10ന് സാംസ്കാരിക വകുപ്പ് പ്രിന്സിപ്പല് സെക്രട്ടറി റാണി ജോര്ജ്, ഗവര്ണറുടെ ഉത്തരവിന് പ്രകാരം എന്ന് രേഖപ്പെടുത്തിയിറക്കിയ ഉത്തരവ് തന്റെ അറിവോടെയല്ലെന്നും, മാദ്ധ്യമങ്ങളില് നിന്നാണ് വിവരമറിഞ്ഞതെന്നും കോടതിയെ അറിയിക്കാനൊരുങ്ങുകയാണ് ഗവര്ണര്. അപകടം മണത്ത സര്ക്കാര്, സാംസ്കാരിക വകുപ്പിന്റെ ഉത്തരവ് പിന്വലിച്ച് മന്ത്രിസഭാ യോഗതീരുമാനത്തിന്റെ അടിസ്ഥാനത്തിലുള്ള പുതിയ ഉത്തരവിറക്കാന് നടപടി ആരംഭിച്ചു.
സ്വകാര്യ കല്പ്പിത സര്വകലാശാലകള്ക്ക് ബാധകമായ നിയമങ്ങള് സര്ക്കാര് പണം മുടക്കുന്ന കലാമണ്ഡലത്തിന് ബാധകമല്ലെന്നും, മറ്റ് പൊതുസര്വകലാശാലകള്ക്ക് തുല്യമായി പരിഗണിക്കണമെന്നുമാണ് ഗവര്ണറുടെ വാദം.
സംസ്ഥാനത്തിന്റെ ഭരണത്തലവനായ തന്നെ ഒരു വകുപ്പിന്റെ ഉത്തരവിലൂടെ പുറത്താക്കാനാവില്ല. ഒരു ഫയലുണ്ടാക്കി വകുപ്പ് തന്നെ തീരുമാനമെടുത്ത് ഉത്തരവായി ഇറക്കിയതില് നടപടിക്രമങ്ങളിലെ പാളിച്ചയുണ്ട്. സര്വകലാശാലയിലെ ഗവേണിംഗ് സമിതിയംഗം കൂടിയായ ഗവര്ണറെ മാറ്റാന് നിരവധി മാനദണ്ഡങ്ങള് പാലിക്കേണ്ടതുണ്ട്.
എന്നാല്, യു.ജി.സി ചട്ടമനുസരിച്ച് കല്പിത സര്വകലാശാലകളുടെ ചാന്സലറെ നിയമിക്കേണ്ടതു സ്പോണ്സറിംഗ് ബോഡിയാണെന്നും, കലാമണ്ഡലത്തിന്റെ കാര്യത്തില് സര്ക്കാരാണെന്നുമാണ് സര്ക്കാരിന്റെ നിലപാട്.
സര്വകലാശാലയും യു.ജി.സിയും തമ്മിലുള്ള ധാരണ പ്രകാരവും, കലാമണ്ഡലത്തിന്റെ ചട്ടങ്ങളനുസരിച്ചും ചാന്സലറെ നിയമിക്കാനുള്ള അധികാരം സര്ക്കാരിനാണ്.
കലാമണ്ഡലം ചാന്സലര് പദവിയില് ഗവര്ണറെ നിയോഗിച്ചത് 2015ല് സാംസ്കാരിക വകുപ്പ് എക്സിക്യുട്ടീവ് ഉത്തരവ് വഴിയാണ്. ഈ ഉത്തരവ് ഭേദഗതി ചെയ്താണ് ഗവര്ണറെ ഒഴിവാക്കിയത്. ഇത് മന്ത്രിസഭായോഗം അംഗീകരിച്ചതായും സര്ക്കാര് വിശദീകരിക്കുന്നുണ്ട് .
"
https://www.facebook.com/Malayalivartha
