കമ്പിവളച്ച് രക്ഷപ്പെടാനുള്ള യുവാക്കളുടെ ശ്രമം പാളി.... വധശ്രമമുള്പ്പെടെ നിരവധി കേസുകളില് പ്രതികളായ മൂന്ന് യുവാക്കളെ പോലീസ് സാഹസികമായി അറസ്റ്റ് ചെയ്തു...
കമ്പിവളച്ച് രക്ഷപ്പെടാനുള്ള യുവാക്കളുടെ ശ്രമം പാളി.... വധശ്രമമുള്പ്പെടെ നിരവധി കേസുകളില് പ്രതികളായ മൂന്ന് യുവാക്കളെ പോലീസ് സാഹസികമായി അറസ്റ്റ് ചെയ്തു. ഇതിലൊരാള് കാപ്പാക്കേസ് പ്രതിയാണ്.
എരിയാല് പള്ളം റോഡിലെ ബണ്ടങ്കൈ വാടക ക്വാര്ട്ടേഴ്സിലെ ഉസ്മാന് (ചാര്ളി ഉസ്മാന്-41), എസ്.പി. നഗര് ബിസ്മില്ലാ മന്സിലില് എം.എച്ച്. മൊയ്തീന് (27), ഉളിയത്തടുക്കയിലെ സിനാന് (30) എന്നിവരാണ് അറസ്റ്റിലായത്. പോലീസ് പറയുന്നതിങ്ങനെ .... വധശ്രമം, ഭീഷണിപ്പെടുത്തല്, അടിപ്പിടി, മതസ്പര്ധ വളര്ത്തല് എന്നിങ്ങനെ നിരവധി കേസുകളില് പ്രതിയാണ് ചാര്ളി ഉസ്മാന്.
പുളിക്കൂര് പള്ളത്തെ പി.എം. ആസിഫിനെ വധിക്കാനായി ശ്രമിച്ച കേസിലെ പ്രതിയായ ഇയാള് സംഭവത്തിനുശേഷം ഒളിവിലായിരുന്നു. ഉസ്മാനും മറ്റു രണ്ടു പ്രതികളും ഉളിയത്തടുക്കയില് ഇരുചക്രവാഹനത്തില് ചുറ്റിക്കറങ്ങുന്നതായി പോലീസിന് സൂചന ലഭിച്ചു.
കാസര്കോട് ടൗണ് പോലീസ് ഇന്സ്പെക്ടര് പി. അജിത്കുമാര്, എസ്.ഐ. വിഷ്ണുപ്രസാദ് എന്നിവരുടെ നേതൃത്വത്തില് പോലീസ് തിരച്ചില് നടത്തുന്നതിനിടയിലാണ് ഉളിയത്തടുക്കയിലെ സ്വകാര്യ കെട്ടിടത്തിനുള്ളില് പ്രതികളുണ്ടെന്ന കാര്യം വ്യക്തമായത്.
കെട്ടിടത്തിലെത്തിയ പോലീസ് സംഘം വാതില് തുറക്കാനായി ആവശ്യപ്പെട്ടെങ്കിലും പ്രതികള് തയ്യാറായില്ല. തുടര്ന്ന് പോലീസ് വാതില് ചവിട്ടിത്തുറന്ന് മൂന്നുപേരെയും പിടികൂടുകയായിരുന്നു. അതിനിടയില് കുളിമുറിയുടെ കമ്പിവളച്ച് രക്ഷപ്പെടാനുള്ള ശ്രമം ഇവര് നടത്തിയെങ്കിലും കഴിഞ്ഞില്ല.
"
https://www.facebook.com/Malayalivartha
