കുവൈത്തിൽ കൊല്ലപ്പെട്ട നിലയിൽ കണ്ടെത്തിയ മലയാളി നഴ്സ് ദമ്പതികളായ കണ്ണൂർ നടുവിൽ മണ്ടളത്തെ കുഴിയാത്ത് സൂരജ് (39), ഭാര്യ എറണാകുളം കോലഞ്ചേരി കട്ടക്കയം ബിൻസി (36) എന്നിവരുടെ മൃതദേഹങ്ങൾ നാളെ മണ്ടളത്ത് എത്തിക്കും. ഇന്ന് ഉച്ചയ്ക്ക് ഒന്നു മുതൽ രണ്ടു വരെ കുവൈത്തിലെ സബാഹ് ആശുപത്രിയിൽ പൊതുദർശനത്തിനു വയ്ക്കുന്ന മൃതദേഹങ്ങൾ രാത്രിയോടെ കണ്ണൂരിലേക്കുള്ള വിമാനത്തിൽ കൊണ്ടുവരും. പുലർച്ചെ ബന്ധുക്കൾ ഏറ്റുവാങ്ങി സൂരജിന്റെ മണ്ടളത്തെ വീട്ടിലെത്തിക്കും.

വീട്ടിലെ പൊതുദർശനത്തിനുശേഷം ഉച്ചകഴിഞ്ഞു മണ്ടളം സെന്റ് ജൂഡ്സ് പള്ളിയിലാണു സംസ്കാരം നടക്കുക. ഇരുവരും തമ്മിലുള്ള വഴക്കിനെ തുടർന്ന് ബിൻസിയെ കുത്തിക്കൊലപ്പെടുത്തിയ ശേഷം സൂരജ് ജീവനൊടുക്കിയതെന്നാണ് വിവരം. വാരാന്ത്യ അവധിക്കുശേഷം അന്വേഷണ റിപ്പോർട്ട് ഇന്നു ലഭിക്കുന്നതോടെ നടപടിക്രമങ്ങൾ പൂർത്തിയാക്കാമെന്നാണ് പ്രതീക്ഷയെന്ന് ബന്ധുക്കൾ പറഞ്ഞു...