കേരള ഹോക്കി അസോസിയേഷന് പിരിച്ചുവിട്ട് ടെക്നിക്കല് കമ്മറ്റി രൂപീകരിക്കാനുള്ള സംസ്ഥാന കായിക യുവജന ക്ഷേമ വകുപ്പിന്റെ തീരുമാനത്തിന് ഹൈക്കോടതി സ്റ്റേ

കേരള ഹോക്കി അസോസിയേഷന് പിരിച്ചുവിട്ട് ടെക്നിക്കല് കമ്മറ്റി രൂപീകരിക്കാനുള്ള സംസ്ഥാന കായിക യുവജന ക്ഷേമ വകുപ്പിന്റെ തീരുമാനത്തിന് ഹൈക്കോടതി സ്റ്റേ.
കേരള ഹോക്കി ജനറല് സെക്രട്ടറി സി.ടി സോജി,പ്രസിഡന്റ് വി.സുനില് കുമാര് എന്നിവര് നല്കിയ ഹര്ജി ഫയലില് സ്വീകരിച്ചാണ് ജസ്റ്റിസ് ഹരിശങ്കര് വി.മേനോന് സ്റ്റേ വിധിച്ചത്. കേസ് ഈ മാസം 28ന് വീണ്ടും പരിഗണിക്കും. ഈ മാസം രണ്ടിനാണ് കേരള ഹോക്കി പിരിച്ചുവിടാനായി കായിക വകുപ്പ് ജോയിന്റ് സെക്രട്ടറി ജയറാം കുമാര് ഉത്തരവിട്ടത്.
ചില മുന്താരങ്ങളില് നിന്ന് ലഭിച്ച പരാതികളെത്തുടര്ന്ന് നടത്തിയ അന്വേഷണറിപ്പോര്ട്ടിലെ ശുപാര്ശയെത്തുടര്ന്നാണ് തീരുമാനമെന്നാണ് സര്ക്കാര് ഉത്തരവില് പറയുന്നത്. മൂന്നുമാസത്തിനകം കേരള ഹോക്കിയില് ഭാരവാഹി തിരഞ്ഞെടുപ്പ് നടത്താനും അതിന്റെ മേല്നോട്ടത്തിന് അഡ്ഹോക്കി കമ്മറ്റി രൂപീകരിക്കാനും ഉത്തരവില് പറയുന്നു.
ഹോക്കി കേരളയ്ക്ക് പകരം ദൈനംദിന പ്രവര്നങ്ങള്ക്കായി ടെക്നിക്കല് കമ്മറ്റി രൂപീകരിക്കണമെന്നും ഉത്തരവിലുണ്ടായിരുന്നു. ഈ ഉത്തരവാണ് ഹൈക്കോടതി സ്റ്റേ ചെയ്തിട്ടുള്ളത്
https://www.facebook.com/Malayalivartha

























