ഇടുക്കി പണിക്കന്കുടി കൊമ്പൊടിഞ്ഞാലില് വീടിന് തീ പിടിച്ച് നാല് പേരെ മരിച്ച നിലയില് കണ്ടെത്തിയ സംഭവം... ഷോര്ട്ട് സര്ക്യൂട്ടാകാം അപകട കാരണമെന്നാണ് പ്രാഥമിക നിഗമനം

ഇടുക്കി പണിക്കന്കുടി കൊമ്പൊടിഞ്ഞാലില് വീടിന് തീ പിടിച്ച് നാല് പേരെ മരിച്ച നിലയില് കണ്ടെത്തിയ സംഭവത്തില് ദുരൂഹതയില്ലെന്ന് പൊലീസിന്റെ പ്രാഥമിക നിഗമനത്തില്. ഷോര്ട്ട് സര്ക്യൂട്ടാകാം അപകട കാരണമെന്നാണ് പ്രാഥമിക നിഗമനമെന്ന് പൊലീസ് . ഇതുസംബന്ധിച്ച് കൂടുതല് പരിശോധന നടത്തേണ്ടതുണ്ട്. ഫോറന്സിക് സംഘവും ഡോഗ് സ്ക്വാഡും പരിശോധന നടത്തി.
ഇതില് നിന്നാണ് ഷോര്ട്ട് സര്ക്യൂട്ടാണ് തീപിടിക്കാനുള്ള കാരണമെന്ന പ്രാഥമിക നിഗമനത്തിലെത്തിയത്.
കത്തികരിഞ്ഞ നിലയില് കണ്ടെത്തിയ മൃതദേഹങ്ങള് പോസ്റ്റ്മോര്ട്ടത്തിനായി ഇടുക്കി മെഡിക്കല് കോളേജ് ആശുപത്രിയിലേക്ക് മാറ്റി. തെള്ളിപടവില് പരേതനായ അനീഷിന്റെ ഭാര്യ ശുഭ, മക്കളായ അഭിനന്ദ് (9), അഭിനവ് (5), ശുഭയുടെ അമ്മ പൊന്നമ്മ (75) എന്നിവരാണ് മരിച്ചത്. ഇതില് അഭിനവിന്റെ മൃതദേഹം മാത്രമാണ് തിരിച്ചറിഞ്ഞത്.
ഒരു മൃതദേഹം വീടിന്റെ അടുക്കള ഭാഗത്ത് നിന്നാണ് കണ്ടെത്തിയത്. ജനവാസം കുറവുള്ള പ്രദേശത്തെ വീട് പൂര്ണ്ണമായി കത്തി നശിച്ച നിലയിലാണ്. നാട്ടുകാരാണ് വിവരം പൊലീസിനെ അറിയിച്ചത്.
വെള്ളത്തൂവല് പൊലീസും ഫയര്ഫോഴ്സും സ്ഥലത്തെത്തിയാണ് മൃതദേഹങ്ങള് ആശുപത്രിയിലേക്ക് മാറ്റിയത്.
"
https://www.facebook.com/Malayalivartha

























