സങ്കടക്കാഴ്ചയായി... ആയനിവയല്‍ മാക്കുനി കുളത്തില്‍ നീന്താനിറങ്ങിയ ആള്‍ മുങ്ങിമരിച്ചു. പുന്നക്കപ്പാറ മാവിലവീട് ക്ഷേത്രത്തിന് സമീപം എം.കെ. ശ്രീജിത്താണ് (44) മരിച്ചത്. ഇന്നലെ വൈകുന്നേരം 5.30-ഓടെയാണ് സംഭവം നടന്നത്.

ശ്രീജിത്തിനോടൊപ്പം സുഹൃത്തും നീന്താനിറങ്ങിയിരുന്നു. ശ്രീജിത്ത് കുളത്തില്‍നിന്ന് കരയ്‌ക്കെത്താത്തതിനാല്‍ കുറേസമയം കാത്തു. പിന്നീട് നാട്ടുകാരും കണ്ണൂരില്‍ നിന്നെത്തിയ അഗ്‌നിരക്ഷാസേനയും ചേര്‍ന്ന് ശ്രീജിത്തിനെ പുറത്തെടുത്തെങ്കിലും ജീവന്‍ രക്ഷിക്കാന്‍ കഴിഞ്ഞില്ല.


വളപട്ടണം പോലീസെത്തി മൃതദേഹം കണ്ണൂര്‍ ജില്ലാ ആശുപത്രി മോര്‍ച്ചറിയിലേക്ക് മാറ്റി. ശ്രീജിത്ത് കെഎസ്ആര്‍ടിസി ഡ്രൈവറാണ്. അച്ഛന്‍: പരേതനായ ശ്രീധരന്‍. അമ്മ: പങ്കജവല്ലി. ഭാര്യ: സൗമ്യശ്രീ (കാസര്‍കോട്). ഒരു മകനുണ്ട്.