ചാലക്കുടിയില്‍ തെരുവ് നായയുടെ ആക്രമണത്തില്‍ നിരവധിപേര്‍ക്ക് പരിക്കേറ്റു. കുട്ടികളടക്കം 12 പേര്‍ക്കാണ് തെരുവ് നായയുടെ കടിയേറ്റത്. പരിക്കേറ്റവരെ ചാലക്കുടി മെഡിക്കല്‍ കോളേജിലും തൃശൂര്‍ മെഡിക്കല്‍ കോളേജിലുമായി പ്രവേശിപ്പിച്ചു. വെട്ടുകടവ് സ്വദേശികളായ ജോബി, ശ്രുതിന്‍ (26), മേലൂര്‍ സ്വദേശി സീന ജോസഫ്, ചാലക്കുടി സ്വദേശികളായ ലിജി ബെന്നി, അഭിനന്ദവ് (13), ജോയല്‍ സോജന്‍ (17), ഡേവിസ് (62), കെ.എസ് . നന്ദിക, കൂടപ്പുഴ സ്വദേശി ഏയ്ഞ്ചല്‍ ബിജോ (13) എന്നിവര്‍ക്കാണ് കടിയേറ്റത്.

ബൈക്കില്‍ സഞ്ചരിച്ചവര്‍ക്ക് നേരെയും തെരുവ് നായയുടെ ആക്രമണമുണ്ടായി. നായയ്ക്ക് പേയുള്ളതായി സംശയം ഉണ്ട്. എന്നാല്‍ ഇക്കാര്യം സ്ഥിരീകരിച്ചിട്ടില്ല. പ്രദേശത്ത് തെരുവ് നായ ശല്യം രൂക്ഷമാണെന്ന് നഗരസഭ പ്രതിപക്ഷ നേതാവ് സി.എസ്. സുരേഷ് പ്രതികരിച്ചു.