സംസ്ഥാനത്ത് ട്രോളിംഗ് നിരോധനം...ഇരട്ട വള്ളങ്ങള് ഉപയോഗിച്ചുള്ള മീന്പിടിത്തം നിരോധിച്ചു
ട്രോളിംഗ് നിരോധനം നിലവില് വന്നു. ജൂലൈ 31ന് അര്ധരാത്രി വരെ 52 ദിവസമാണ് ട്രോളിങ് നിരോധനമുള്ളത്. തോണിയിലും ഇന്ബോര്ഡ് വള്ളത്തിലും മീന്പിടിത്തം നടത്തുന്ന പരമ്പരാഗത മത്സ്യത്തൊഴിലാളികള്ക്ക് ട്രോളിങ് നിരോധന സമയത്ത് കടലില് പോകാവുന്നതാണ്.
അതേസമയം, ഇരട്ട വള്ളങ്ങള് ഉപയോഗിച്ചുള്ള മീന്പിടിത്തം നിരോധിച്ചു. വലിയ വള്ളങ്ങള്ക്കൊപ്പം ഉപയോഗിക്കുന്ന കരിയര് വള്ളങ്ങള് കൊണ്ടുപോകുന്നതിലും നിയന്ത്രണമുണ്ട്. നിരോധനം ലംഘിക്കുന്ന ബോട്ടുകള്ക്കെതിരെ നിയമനടപടി സ്വീകരിക്കും. ഹാര്ബറുകളിലും ഫിഷ് ലാന്ഡിങ് സെന്ററുകളിലും പ്രവര്ത്തിക്കുന്ന ബങ്കുകളുടെ പ്രവര്ത്തനവും ഇന്നു മുതല് നിലക്കും.
ട്രോളിങ് നിരോധനത്തിന്റെ ഭാഗമായി എല്ലാ തീരദേശ ജില്ലകളിലും 24 മണിക്കൂറും പ്രവര്ത്തിക്കുന്ന കണ്ട്രോള് റൂം ആരംഭിച്ചു കഴിഞ്ഞു.
കേരള തീരം വിടണമെന്ന നിര്ദേശത്തെ തുടര്ന്ന് ഇതര സംസ്ഥാന മത്സ്യബന്ധന ബോട്ടുകള് സംസ്ഥാനത്തു നിന്ന് മടങ്ങി.ട്രോളിംഗ് നിരോധനം മൂലം തൊഴില് നഷ്ടപ്പെടുന്ന മത്സ്യത്തൊഴിലാളി കുടുംബങ്ങള്ക്ക് സൗജന്യ റേഷന് സര്ക്കാര് നല്കും.
അതേസമയം, കണ്ടെയ്നര് കടലില് മറിഞ്ഞതിനുശേഷം മത്സ്യബന്ധന മേഖലയും തൊഴിലാളികളും വലിയ പ്രതിസന്ധിയിലായിരിക്കുകയാണ്്. ഇതിനിടെ ട്രോളിങ് നിരോധനം കൂടി വരുന്നത് വലിയ പ്രയാസത്തിലാക്കുമെന്ന ആശങ്കയിലാണ് മത്സ്യത്തൊഴിലാളികളുള്ളത്.
https://www.facebook.com/Malayalivartha
