നിപ ജാഗ്രത... പാലക്കാട് ജില്ലയില് ഏര്പ്പെടുത്തിയിരുന്ന നിയന്ത്രണങ്ങള് നീക്കി... മേഖലയില് മാസ്ക് നിര്ബന്ധം
പാലക്കാട് ജില്ലയില് നിപ ജാഗ്രതയെ തുടര്ന്ന് ഏര്പ്പെടുത്തിയിരുന്ന നിയന്ത്രണങ്ങള് നീക്കി. കണ്ടെയ്ന്മെന്റ് സോണുകളായി പ്രഖ്യാപിച്ചിരുന്ന 18 വാര്ഡുകളിലെയും കുമരംപുത്തൂര്, കാരാക്കുറുശ്ശി, കരിമ്പുഴ, മണ്ണാര്ക്കാട് മുനിസിപ്പാലിറ്റിയിലേയും നിയന്ത്രണങ്ങള് നീക്കിയ.
കുമരംപുത്തൂര് ചെങ്ങലീരി സ്വദേശിക്ക് നിപ ബാധിച്ച് മരണപ്പെട്ടതിന് പിന്നാലെയായിരുന്നു നിയന്ത്രണങ്ങള് ഏര്പ്പെടുത്തിയിരുന്നത്. പുതിയ രോഗികളെയോ രോഗലക്ഷണങ്ങളോ റിപ്പോര്ട്ട് ചെയ്യാത്തതിനെ തുടര്ന്നാണ് നിയന്ത്രണം പിന്വലിച്ചത്. എന്നാല്, മേഖലയില് മാസ്ക് നിര്ബന്ധമാണ്. കൂടാതെ അനാവശ്യമായി കൂട്ടംകൂടരുതെന്നും കലക്ടറുടെ നിര്ദേശം. സമ്പര്ക്കപ്പട്ടികയിലെ 418 പേരും ക്വാറന്റീനില് തുടരുകയും വേണം. ജില്ലയില് രണ്ടു പേരെയാണ് ഐസൊലേഷനില് നിന്ന് ഒഴിവാക്കിയത്.
നിലവില് ഒരാള് ഐസൊലേഷനില് കഴിയുന്നുണ്ട്. അതേസമയം ആദ്യം നിപ സ്ഥരീകരിച്ച തച്ചനാട്ടുകര സ്വദേശിനി കോഴിക്കോട് മെഡിക്കല് കോളേജില് ചികിത്സയില് തുടരുന്നു.
https://www.facebook.com/Malayalivartha
