വീടിനുള്ളില്‍ രണ്ട് സഹോദരിമാര്‍ മരിച്ചനിലയില്‍...സഹോദരനെ കാണാനില്ല... അന്വേഷണം ഊര്‍ജ്ജിതത്തില്‍
കോഴിക്കോട് രണ്ട് സഹോദരിമാരെ വീടിനുള്ളില്‍ മരിച്ചനിലയില്‍ കണ്ടെത്തി. തടമ്പാട്ടുതാഴത്തെ വാടക വീട്ടിലാണ് മൃതദേഹങ്ങള്‍ കണ്ടെത്തിയത്. മൂലകണ്ടി ശ്രീജയ (76), പുഷ്പ (66) എന്നിവരെയാണ് മരിച്ച നിലയില്‍ കണ്ടത്. സഹോദരന്‍ പ്രമോദിനെ കാണാനില്ല. പൊലീസ് അന്വേഷണം തുടങ്ങി.
ഫറോക്ക് സ്റ്റേഷന്‍ പരിസരത്തുനിന്നാണ് പ്രമോദിന്റെ മൊബൈല്‍ ലൊക്കേഷന്‍ കണ്ടെത്തിയത്. സഹോദരിമാര്‍ മരിച്ച വിവരം പ്രമോദ് തന്നെയാണ് അടുത്തുള്ള സുഹൃത്തിനെ ആദ്യം അറിയിച്ചത്. സുഹൃത്ത് അയല്‍വാസികളെ വിവരമറിയിച്ചതിനെ തുടര്‍ന്നാണ് മൃതദേഹങ്ങള്‍ കണ്ടെത്തിയത്.
രണ്ട് മുറികളിലായി പൊതുദര്‍ശനത്തിന് ഒരുക്കിയ നിലയിലായിരുന്നു മൃതദേഹങ്ങള്‍. പ്രമോദിനെ പിടികൂടിയാല്‍ മാത്രമേ മരണകാരണം സംബന്ധിച്ച് വ്യക്തമായ ചിത്രം ലഭിക്കൂ എന്ന് പോലീസ് .
കഴിഞ്ഞ മൂന്ന് വര്‍ഷമായി ഇവര്‍ ഈ വാടകവീട്ടിലാണ് കഴിഞ്ഞിരുന്നത്. ഉന്നത പോലീസ് ഉദ്യോഗസ്ഥരും ഡോഗ് സ്‌ക്വാഡും മൊബൈല്‍ ഫോറന്‍സിക് സംഘവും സ്ഥലത്ത് പരിശോധന നടത്തുകയും ചെയ്തു.
https://www.facebook.com/Malayalivartha
