രാജ്യവ്യാപകമായി 1000-ത്തിലധികം പേർ രജിസ്റ്റർ ചെയ്തു, ഫിനാലെയിൽ മികച്ച 50 ടീമുകൾ മത്സരിച്ചു.  വെബ്, ഫോറൻസിക്സ്, ക്രിപ്‌റ്റോഗ്രഫി, ഒസിഐഎൻടി, ഐഒടി, റിവേഴ്‌സ് എഞ്ചിനീയറിംഗ് എന്നീ മേഖലകളിൽ മത്സരങ്ങൾ നടന്നുവിജയികളായ ടീമിന് 1.5 ലക്ഷം രൂപ സമ്മാനവും യുഎസ് ടിയിൽ സോപാധിക ജോലി അവസരവും ലഭിച്ചു. തിരുവനന്തപുരം, സെപ്തംബർ 16, 2025: പ്രമുഖ എ ഐ, ടെക്നോളജി ട്രാൻസ്ഫോർമേഷൻ സൊല്യൂഷൻസ് കമ്പനിയായ യുഎസ് ടി, തങ്ങളുടെ തിരുവനന്തപുരം കാമ്പസിൽ സംഘടിപ്പിച്ച ജെൻസിസ് 2025 ക്യാപ്ചർ ദ ഫ്ലാഗ് (സിടിഎഫ്) മത്സരങ്ങളുടെ ഫിനാലെ വിജയകരമായി സമാപിച്ചു. സൈബർ സുരക്ഷാരംഗത്തെ പ്രതിഭകളുടെ മത്സരാധിഷ്ഠിതമായ പ്രോബ്ലം സോൾവിങ് ശേഷി കണ്ടെത്തുക എന്ന ലക്ഷ്യത്തോടെ സംഘടിപ്പിച്ച മത്സരങ്ങളിൽ പങ്കെടുക്കുന്നതിനായി രാജ്യത്തുടനീളമുള്ള വിദ്യാർത്ഥികളിൽ നിന്നും പ്രൊഫഷണലുകളിൽ നിന്നും 1000-ലധികം എൻട്രികൾ ലഭിച്ചു.

വെബ്, ഫോറൻസിക്സ്, ക്രിപ്‌റ്റോഗ്രഫി, ഒസിഐഎൻടി , ഐഒടി, ബൂട്ട് ടു റൂട്ട്, എഐ ചലഞ്ച്, റിവേഴ്‌സ് എഞ്ചിനീയറിംഗ് തുടങ്ങി വിവിധ മേഖലകളിലെ വെല്ലുവിളി നിറഞ്ഞ സാഹചര്യങ്ങളാണ് ഈ വർഷത്തെ ജെൻസിസ് 2025 ക്യാപ്ചർ ദ ഫ്ലാഗ് മത്സരങ്ങളിൽ പങ്കെടുത്തവർക്ക് തരണം ചെയ്യേണ്ടി വന്നത്. യു എസ് ടിയുടെ തിരുവനന്തപുരം കാമ്പസിൽ നടന്ന ഫൈനൽ റൗണ്ടിലേക്ക് മികവു കാട്ടിയ 50 ടീമുകളാണ് യോഗ്യത നേടിയത്.

തമിഴ്‌നാട്ടിലെ എസ്ആർഎം യൂണിവേഴ്‌സിറ്റിയിൽ നിന്നുള്ള അബ്ദുർ റഹ്മാൻ പ്രതിനിധീകരിച്ച 'ടീം അബു' ജെൻ‌സി‌സ് 2025 സി‌ടി‌എഫ് മത്സരത്തിൽ വിജയിയായി. ടി‌സി‌എസിൽ നിന്നുള്ള വിഷ്ണു എ‌ ആർ, സായ് തേജ എന്നിവർ ഉൾപ്പെട്ട 'ടീം ബേർഡ്‌സ് ആർ‌ നോട്ട് റിയൽ' ആദ്യ റണ്ണർ അപ്പ് സ്ഥാനം നേടി. രാജസ്ഥാനിലെ പൂർണിമ യൂണിവേഴ്‌സിറ്റിയിൽ നിന്നുള്ള മോഹിത് സിംഗ് പാപോളയും ക്രിഷ് ഭൂരാനിയും പ്രതിനിധീകരിച്ച 'ടീം നൾ‌ബൈറ്റ് നിൻജാസ്' രണ്ടാം റണ്ണർ അപ്പ് ആയി. വിജയികളായ ടീമിന് 1.5 ലക്ഷം രൂപ സമ്മാനത്തുകയും (ഒരു ലക്ഷം രൂപയും 50,000 രൂപ വിലവരുന്ന ഗിഫ്റ്റ് ഹാംപറുകളും) യുഎസ് ടിയിൽ സോപാധിക ജോലി അവസരവും ലഭിച്ചു. ആദ്യ റണ്ണർ ആപ്പായ ടീമിന് 70,000 രൂപ ക്യാഷ് പ്രൈസും രണ്ടാം റണ്ണർ അപ്പ് ആയ ടീമിന് 30,000 രൂപ ക്യാഷ് പ്രൈസും ലഭിച്ചു.

"ജെൻ‌സി‌സ് പോലുള്ള സംരംഭങ്ങളിലൂടെ, പരീക്ഷണം, നവീകരണം, തുടർ പഠനം എന്നിവയ്ക്കുള്ള പ്രായോഗിക അവസരങ്ങൾ സൃഷ്ടിച്ചുകൊണ്ട് അടുത്ത തലമുറയിലെ സൈബർ സുരക്ഷാ പ്രഫഷണലുകളെ പ്രോത്സാഹിപ്പിക്കുന്നതിന് യുഎസ്‌ടി പ്രതിജ്ഞാബദ്ധമാണ്. ക്യാപ്ചർ ദി ഫ്ലാഗ് ഫിനാലെ യുവമനസ്സുകളിലെ അസാധാരണമായ കഴിവുകളും സർഗ്ഗാത്മകതയും വെളിവാക്കുന്നതിനോടൊപ്പം, മികവും വളർച്ചയും സാധ്യമാക്കാനും, ഭാവിക്ക് അനുയോജ്യമായ സൈബർ സുരക്ഷാ ആവാസവ്യവസ്ഥ കെട്ടിപ്പടുക്കാനുമുള്ള യു‌എസ്‌ടിയുടെ സമർപ്പണത്തെ ശക്തിപ്പെടുത്തുകയും ചെയ്യുകയുണ്ടായി. എല്ലാ വിജയികൾക്കും മത്സരാർത്ഥികൾക്കും എന്റെ ഹൃദയംഗമമായ അഭിനന്ദനങ്ങൾ. അവരുടെ അഭിനിവേശവും പ്രകടനവും വരാനിരിക്കുന്ന മികവിന്റെ സൂചനയാണ്," യു‌എസ്‌ടി ചീഫ് വാല്യൂസ് ഓഫീസറും ഡെവലപ്‌മെന്റ് സെന്റർ ഓപ്പറേഷൻസ് ആഗോള മേധാവിയുമായ സുനിൽ ബാലകൃഷ്ണൻ പറഞ്ഞു.

"ഡിജിറ്റൽ പരിവർത്തനത്തിന്റെ കാതലാണ് സൈബർ സുരക്ഷ. ഉയർന്നു വരുന്ന ഭീഷണികളെ നേരിടാൻ കഴിവുള്ളവരെ കണ്ടെത്തി സജ്ജരാക്കുക എന്നത് നിർണായകമാണ്. അടുത്ത തലമുറയിലെ സൈബർ സുരക്ഷാ പ്രഫഷണലുകളുടെ നവീകരണം, സാങ്കേതിക കഴിവുകൾ, പ്രശ്നപരിഹാര കഴിവുകൾ എന്നിവ ജെൻസിസ്‌ 2025 ഉയർത്തിക്കാട്ടുന്നു. സുരക്ഷിതവും സ്ഥിരതയുള്ളതുമായ ഭാവിക്ക് ആവശ്യമായ കഴിവുകളാൽ ഐടി മേഖലയെ സജ്ജമാക്കുന്നതിനായുള്ള നൂതനാശയങ്ങൾ മുന്നോട്ടു വയ്ക്കുന്ന സി ടി എഫ് മത്സരങ്ങൾക്ക് ആതിഥേയത്വം വഹിക്കാൻ കഴിഞ്ഞതിൽ ഞങ്ങൾക്ക് അഭിമാനമുണ്ട്," യു എസ് ടി ക്‌ളൗഡ്‌ ഇൻഫ്രാസ്ട്രക്ചർ സർവീസസ് ആഗോള മേധാവിയും, യു എസ് ടി സൈബർപ്രൂഫ് മാനേജിംഗ് ഡയറക്ടറുമായ മുരളീകൃഷ്ണൻ നായർ കൂട്ടിച്ചേർത്തു. എല്ലാ മത്സരാർത്ഥികൾക്കും വിജയികൾക്കും എന്റെ അഭിനന്ദനങ്ങൾ," അദ്ദേഹം പറഞ്ഞു.

യു എസ് ടി ചീഫ് ഇൻഫർമേഷൻ സെക്യൂരിറ്റി ഓഫീസർ നിതിൻ കാൽറ; സൈബർ സെക്യൂരിറ്റി ആഗോള മേധാവി ജെയിംസ് ഡാഷർ; ഇൻഫർമേഷൻ സെക്യൂരിറ്റി കംപ്ലയൻസ് ഡയറക്ടറും ആഗോള മേധാവിയുമായ ആദർശ് നായർ എന്നിവർ ഫിനാലെയിലും അവാർഡ് ദാന ചടങ്ങിലും പങ്കെടുത്തു.

യു എസ് ടി ഗ്ലോബൽ കോൺഫറൻസിനൊപ്പം സംഘടിപ്പിച്ച സി ടി എഫ്‌ ഫിനാലെയിൽ 20-ലധികം അന്താരാഷ്ട്ര പ്രഭാഷകർ പങ്കെടുത്തു. 1000-ത്തിലധികം പേർ സന്നിഹിതരായിരുന്നു. സൈബർ സുരക്ഷാ ആവാസവ്യവസ്ഥയിൽ യുഎസ് ടിയുടെ ബ്രാൻഡ് സാന്നിധ്യവും വ്യവസായ പങ്കാളികളുമായുള്ള സഹകരണവും കൂടുതൽ ശക്തിപ്പെടുത്തി.