സൗദിയില്‍ ബസുകള്‍ കൂട്ടിയിടിച്ച് പ്രവാസിക്ക് ദാരുണാന്ത്യം
സൗദി അറേബ്യയുടെ കിഴക്കന്‍ പ്രവിശ്യയിലെ ജുബൈലില്‍ ബസുകള്‍ കൂട്ടിയിടിച്ച് മംഗളൂരു സ്വദേശിയായ യുവാവിന് ദാരുണാന്ത്യം. മംഗളൂരു ഉള്ളാള്‍ സ്വദേശി അബ്ദുല്‍ റാസിഖ് (25) ആണ് മരിച്ചത്. കിംഗ് ഫഹദ് പാതയില്‍ തൊഴിലാളികളുമായ വന്ന ബസുകളാണ് അപകടത്തില്‍പ്പെട്ടത്.
29ഓളം യാത്രക്കാരാണ് രണ്ടു ബസുകളിലുമായി ഉണ്ടായിരുന്നത്. പാകിസ്ഥാന്‍ സ്വദേശികളാണ് ബസുകള്‍ ഓടിച്ചിരുന്നത്. മുഹമ്മദ് ഫഖ്‌റുദ്ധീന്‍ സിദ്ദിഖി, പ്രിന്‍സ് അലോയ് എസസ് (ഇന്ത്യ), ഫൈസല്‍ മെഹ്ബൂബ് അലി (പാക്കിസ്ഥാന്‍), കമല്‍ കിഷോര്‍ യാദവ് (നേപ്പാള്‍) എന്നിവര്‍ അടക്കം എട്ട് പേര്‍ക്ക് പരിക്കേറ്റു. പരിക്കേറ്റവര്‍ അല്‍ മന ആശുപത്രിയില്‍ ചികിത്സയിലാണ്.
ജുബൈലിലെ ഒരു കമ്പനിയില്‍ സൂപ്പര്‍വൈസര്‍ ആയി ജോലി ചെയ്യുകയായിരുന്നു അബ്ദുല്‍ റാസിഖ്. പിതാവ്: മുഹമ്മദ്, മാതാവ്: അതിജാമ്മ. മൃതദേഹം ജുബൈല്‍ ജനറല്‍ ആശുപത്രി മോര്‍ച്ചറിയിലേക്ക് മാറ്റിയിട്ടുണ്ട്. ഔദ്യോഗിക നടപടികള്‍ പൂര്‍ത്തിയായ ശേഷം സൗദിയില്‍ തന്നെ ഖബറടക്കും.
https://www.facebook.com/Malayalivartha
