ഭിന്നാഭിപ്രായങ്ങള് പാര്ട്ടിക്കുള്ളില് തന്നെ പറയണമെന്ന് ശശി തരൂര് എം.പി
സുല്ത്താന് ബത്തേരിയില് നടക്കുന്ന കോണ്ഗ്രസ് നേതൃക്യാമ്പില് ഭിന്നാഭിപ്രായങ്ങളുണ്ടെങ്കില് പാര്ട്ടിക്കുള്ളില് തന്നെ പറയണമെന്ന് ശശി തരൂര് എം.പി. വരുന്ന നിയമസഭാ തിരഞ്ഞെടുപ്പില് പാര്ട്ടി ഒറ്റക്കെട്ടായി നില്ക്കണമെന്നും ഭിന്നാഭിപ്രായങ്ങള് പാര്ട്ടിക്കുള്ളില് തന്നെ നില്ക്കണമെന്നുമായിരുന്നു തരൂര് പറഞ്ഞത്. ജനം പരിഹസിച്ച് ചിരിക്കുന്ന അവസ്ഥ നേതാക്കള് ഉണ്ടാക്കരുതെന്ന് കെ. മുരളീധരനും അഭിപ്രായപ്പെട്ടു. ദേശീയ വിഷയങ്ങളില് സ്വന്തം നിലപാട് പാര്ട്ടിക്ക് പുറത്ത് തുറന്നു പറഞ്ഞ് വിവാദത്തിലായ തരൂരിന്റെ നിലപാട് മാറ്റം കോണ്ഗ്രസില് തന്നെ ചര്ച്ചയായി.
അതേസമയം നിയമസഭാ തിരഞ്ഞെടുപ്പിനുള്ള സ്ഥാനാര്ത്ഥികളെ മുന്കൂട്ടി പ്രഖ്യാപിച്ച് പ്രചാരണ്വുമായി മുന്നോട്ടു പോകാനാണ് കോണ്ഗ്രസിന്റെ നീക്കം. രണ്ട് ഘട്ടങ്ങളിലായി ആയിരിക്കും സ്ഥാനാര്ത്ഥി പ്രഖ്യാപനം. തിരഞ്ഞെടുപ്പ് വിജ്ഞാപനത്തിന് മുമ്പ് ആദ്യ ഘട്ട സ്ഥാനാര്ത്ഥികളെ പ്രഖ്യാപിക്കും. തിരഞ്ഞെടുപ്പ് തീയതി പ്രഖ്യാപിച്ച ശേഷം രണ്ടാം ഘട്ട സ്ഥാനാര്ത്ഥി പട്ടിക പുറത്തുവിടാനും ആണ് കോണ്ഗ്രസിന്റെ തീരുമാനം.
https://www.facebook.com/Malayalivartha
