കേച്ചേരി ചിറനെല്ലൂരിൽ കൂമ്പുഴ പാലത്തിനടുത്ത് കാറുകൾ കൂട്ടിയിടിച്ച് സ്ത്രീ മരിച്ചു. അപകടത്തിൽ നാലു പേർക്ക് പരിക്കേറ്റു. ചിറനെല്ലൂർ വില്ലേജ് ഓഫീസിന് സമീപമാണ് അപകടം സംഭവിച്ചത്. ഇരട്ടി ഉളിക്കൽ സ്വദേശികളായ പുതുമനമുഴിയിൽ വീട്ടിൽ റോബർട്ട് ഭാര്യ ഡെന്നി (54) യാണ് മരിച്ചത്. മകൻ ജെസ്വിൻ (22), പുതുമനമുഴിയിൽ സക്കറിയ ഭാര്യ ഗ്രെയ്‌സി (57), ഹൈദരാബാദ് സ്വദേശി നാർവ കൃഷ്ണ (48) എന്നിവർക്കാണ് പരിക്കേറ്റത്. പരിക്കേറ്റവരെ ആക്ട്‌സ് കേച്ചേരി ബ്രാഞ്ച് ആംബുലൻസിൽ അമല ആശുപത്രിയിൽ പ്രവേശിപ്പിക്കുകയും ചെയ്തു.

കാർ യാത്രക്കാർ ഉറങ്ങി പോയതാണ് അപകട കാരണമെന്നാണ് സൂചനകളുള്ളത്. അപകടത്തിൽ ഇരു വാഹനങ്ങളുടെയും മുൻഭാഗങ്ങൾ പൂർണ്ണമായും തകർന്നനിലയിലാണ്. നിയന്ത്രണ വിട്ട ഒരു കാർ റോഡരികിലെ കാനയ്ക്കരികെയുള്ള വീടിൻറെ മതിലിടിച്ചാണ് നിന്നത്. മതിലും തകർന്നിട്ടുണ്ട്. കാറിന്റെ മുൻവശത്തെ ചക്രം തെറിച്ചു പോയ നിലയിലായിരുന്നു.