നൂറിലധികം സീറ്റ് നേടി യുഡിഎഫ് അധികാരത്തിലെത്തുമെന്ന് വി ഡി സതീശന്
വരുന്ന നിയമസഭാ തിരഞ്ഞെടുപ്പില് നൂറിലധികം സീറ്റുകള് നേടി യുഡിഎഫ് അധികാരത്തില് വരുമെന്ന് പ്രതിപക്ഷ നേതാവ് വി ഡി സതീശന്. ബത്തേരിയില് നടന്ന കോണ്ഗ്രസ് ലീഡേഴ്സ് മീറ്റില് സംസാരിക്കുകയായിരുന്നു അദ്ദേഹം. നൂറ് സീറ്റുകള് കടക്കുമെന്ന് പറയുന്നത് വെറുതെയല്ല, അതിനുള്ള കൃത്യമായ രാഷ്ട്രീയ സാഹചര്യം നിലവില് കേരളത്തിലുണ്ടെന്നും അദ്ദേഹം വ്യാക്തമാക്കി.
'നിലവിലെ എല്ഡിഎഫ് സര്ക്കാരിനെ താഴെയിറക്കാന് യുഡിഎഫ് മാത്രമല്ല, കേരളത്തിലെ ജനങ്ങളും ആഗ്രഹിക്കുന്നുണ്ട്. ആ ആത്മവിശ്വാസമാണ് നൂറിലധികം സീറ്റുകള് ലഭിക്കുമെന്ന് പറഞ്ഞതിന് പിന്നില്. യുഡിഎഫില് മുഖ്യമന്ത്രി സ്ഥാനത്തെച്ചൊല്ലി തര്ക്കമുണ്ടെന്ന പ്രചാരണം സിപിഎമ്മിന്റെ തന്ത്രമാണ്. ജനശ്രദ്ധ തിരിക്കാനാണ് ഇത്തരം വ്യാജ പ്രചാരണങ്ങള് അവര് നടത്തുന്നത്.
യുഡിഎഫ് അധികാരത്തില് വന്നാല് സംസ്ഥാനത്തെ നികുതി വരുമാനം വര്ദ്ധിപ്പിക്കാനുള്ള നടപടികള് സ്വീകരിക്കും. ഇടതുപക്ഷ സഹയാത്രികര് വരും ദിവസങ്ങളില് യുഡിഎഫിന്റെ ഭാഗമാകും. തിരഞ്ഞെടുപ്പിന് മുന്പ് തന്നെ കേരള രാഷ്ട്രീയത്തില് വലിയ അത്ഭുതങ്ങള് സംഭവിക്കും. യുഡിഎഫിന്റെ രാഷ്ട്രീയ അടിത്തറ വിപുലമാക്കാന് നിലവില് സാധിച്ചിട്ടുണ്ടെന്നും മുന്നണിയുടെ കെട്ടുറപ്പോടെയുള്ള പ്രവര്ത്തനം വന് വിജയത്തിലേക്ക് നയിക്കും'. സതീശന് പറഞ്ഞു.
https://www.facebook.com/Malayalivartha
